ЯҢАЛЫКЛАР

Лениногорск муниципаль районы Башкарма комитетында җитәкче М. Н.Гыйрфанов рәислегендә контрольлек итүче һәм хокук саклау органнары вәкилләре катнашында киңәшмә узды. Татарстан Республикасы Дәүләт алкоголь инспекциясенең Әлмәт территориаль органы башлыгы Миләүшә Михеева алкоголь базарындагы 7 айлык вәзгыять турында хисап тотты. 

Бүген Биектау муниципаль районы Башкарма комитетында шәхси эшмәкәрләр һәм юридик затлар - алкоголь базарында катнашучылар белән очрашу узды.

Чарада Татарстан Республикасы Дәүләт алкоголь инспекциясенең Казан территориаль органы башлыгы Марина Егорова, "Белый Кремль", "Алкоторг", "Эфес", "Болгарпиво" алкоголь продукциясен җитештерүче компанияләр вәкилләре, хокук саклау органнары, суд приставлары хезмәте, үзәк район хастаханәсе вәкилләре катнашты.

Әгерҗе муниципаль районының Иске Эсләк, Девятернә, Кадыбаш авыл җирлекләрендә алкоголь базарындагы проблемалы мәсьәләләр гадәти булмаган форматта каралды. Удмуртия Республикасы белән чиктәш авыл җирлекләрендә республикада җитештерелгән алкоголь продукциясен район кулланучылар җәмгыяте системасы белән генә тәэмин ителә.