Казан территориаль органы хезмәткәрләре татар шагыйре Һади Такташ һәйкәленә бардылар
Татарстан Республикасы Дәүләт алкоголь инспекциясенең Казан территориаль органы хезмәткәрләре, Туган телләр һәм Халыклар бердәмлеге елы кысаларында, практиканы үтүче студентлар белән берлектә, татар шагыйре Һади Такташ һәйкәленә бардылар. Һәйкәл Марсель Сәлимҗанов һәм Һади Такташ урамнары киселешендә скверда урнашкан.
Һади Такташ - танылган татар шагыйре һәм драматург, татар шигърияте классигы. Ул татар әдәбияты тарихында яңа сәхифәне ачты, үз әсәрләрендә революция елларын, кешеләрнең рухи матурлыгын һәм ул чорның кырыс дөреслеген сәнгатьчә тасвирлый.
Һади Такташ 1901 елның 1 гыйнварында Сургодь (Тамбов губернасы) авылында күп балалы крестьян гаиләсендә туа.
1918 елда «Олуг Төркия» газетасында Такташның беренче шигыре – «Төркстан сахраларда» басыла.
1923 елда беренче шигырьләр җыентыгы – «Җир уллары трагедиясе» Һәм башка шигырьләре дөнья күрә. Төрле басмаларда, шул исәптән Татарстан өчен әһәмиятле булган «Чаян» һәм «Азат хатын» басмаларында да эшли.
Озак булмаган, әмма нәтиҗәле иҗади тормыш өчен Һади Такташ татар халкының мәдәни мирасы алтын фондына кергән дистәләгән шедевр иҗат итә.
Һади Такташ хөрмәтенә Казанда, Саранскида һәм Татарстан торак пунктларында урамнар аталды, ә 2004 елда Татарстан Язучылар берлегенең XVI съезды утырышында шигърият өлкәсендә Һади Такташ исемендәге әдәби премия расланды.