Техник яктан катлаулы товарда җитешсезлекләр ачыкланганда кулланучы хокуклары
Татарстан Республикасы Дәүләт алкоголь инспекциясенең Чистай территориаль органына гражданин В. сыйфатсыз автомобиль видеорегистраторы сатып алуга бәйле ситуациядә хокукый ярдәм күрсәтүне сорап мөрәҗәгать итте. Товар узган җәйдә үк сатып алынган, әмма бу чорда ул ике тапкыр бер үк дефект белән кырык биш көн эчендә гарантия ремонтында булган. Бу юлы видеорегистратор янә эшләүдән туктый. Сатып алучыга аны төзекләндерергә кирәк, һәм ул «аны алыштыруны таләп итеп буламы?» дигән сорау бирде.
Кулланучыга «Кулланучылар хокукларын яклау турында» РФ Законының 18 статьясы нигезендә аңлатма бирелде. Видеорегистратор техник яктан катлаулы товарларга карый. Сатып алганнан соң унбиш көн узгач товарда җитешсезлекләр килеп чыккан очракта, кулланучы таләбе түбәндәге очракларның берсендә канәгатьләндерелергә тиеш:
- товарның җитешсезлеген ачыклау;
- товарның җитешсезлекләрен бетерү буенча әлеге Законда билгеләнгән срокларны бозу;
- һәр ел дәвамында гарантия срогы утыз көннән артык булган товардан, аның төрле кимчелекләрен берничә тапкыр бетерү нәтиҗәсендә, файдалану мөмкинлеге булмау.
Бу очракта берничә тапкыр ачыклана торган дефект сизелерлек булып тора. Моның белән бәйле рәвештә, кулланучы аны шул ук маркадагы товарга яки сатып алу бәясен яңадан исәпләп, шундый ук башка маркадагы товарга алыштыруны таләп итәргә хокуклы.
Кулланучыга претензия әзерләүдә Татарстан Республикасы Дәүләт алкоголь инспекциясенең Чистай территориаль органы белгечләренең хокукый ярдәменнән файдаланырга тәкъдим ителде.