Хуҗалык итүче субъектлар белән кулланучылар өчен консультацияләр һәм семинарлар үткәрелде
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге белгечләре тарафыннан товарлар, эшләр, хезмәт күрсәтүләр сатып алганда, шул исәптән дистанцион ысул белән (Адоратский урамы буенча сәүдә павильоннары) сатып алганда кулланучылар һәм сатучыларга кулланучылар хокукларын яклау мәсьәләләре буенча консультацияләр үткәрелде.
Катнашучылар игътибарына кулланучылар хокукларын яклау өлкәсендә мөнәсәбәтләрне җайга салучы закон һәм норматив актлар, юридик затларның һәм шәхси эшмәкәрләрнең хокукларын яклау турында мәгълүмат җиткерелде.
Товарларны яки хезмәтләрне кулланучылар тарафыннан сайлап алуда мөһим критерийларның берсе - мәгълүмат. Тулы һәм дөрес мәгълүмат алган очракта гына кулланучы аның ихтыяҗларын һәм көтүен тулысынча канәгатьләндерә торган товарны яки хезмәт күрсәтүне сайлый ала.
Мәгълүматка хокук үз эченә җитештерүче, башкаручы, сатучы турында мәгълүмат алу хокукын һәм товарлар (эшләр, хезмәт күрсәтүләр) турында мәгълүмат алу хокукын ала.
«Кулланучылар хокукларын яклау турында» 07.02.1992 елның 2300-1 ноиерлы Россия Федерациясе Законының 8 ст.2 п. нигезендә (алга таба – Кулланучылар хокукларын яклау турында Закон) әлеге мәгълүмат, кулланучыларга хезмәт күрсәтүнең аерым өлкәләрендә кабул ителгән ысуллар белән сату-алу килешүләре һәм эшләр башкару (хезмәтләр күрсәтү) турында килешүләр төзегәндә, өстәмә рәвештә, Россия Федерациясе субъектларының дәүләт телләрендә һәм Россия Федерациясе халыкларының туган телләрендә, җитештерүче (башкаручы, сатучы) теләге буенча кулланучыларга ачык һәм аңлаешлы формада җиткерелә.
Кулланучылар хокукларын яклау турындагы Закон сатучыларның, җитештерүчеләрнең һәм башкаручыларның үзе турында дөрес мәгълүмат җиткерү бурычын билгели. Өстәвенә, бу бурыч конкрет килешү төзүгә карамастан, кулланучылар белән шартнамәләр төзү буенча эшчәнлекне тормышка ашыруга юл куймый.
Шулай ук бүлек хезмәткәрләре тарафыннан социаль әһәмияткә ия азык-төлек товарларына 24 атама буенча бәяләр мониторингы үткәрелде, ул мәгълүматларны җыю, анализлау, туплау процессыннан гыйбарәт.
Мониторинг үткәрүнең максаты - азык-төлек товарларына бәяләрнең торышын өйрәнү һәм үзгәрешен анализлау. Әлеге мәгълүматлар Татарстан Республикасының махсус оештырылган ситуацион Үзәгенә туплана.