«Забота» үзәгендә өлкән буын вәкилләре белән очраштылар
Татарстан Республикасы Дәүләт алкоголь инспекциясенең Чаллы территориаль органы эчке базарны үстерү һәм координацияләү бүлеге белгечләре Мамадыш шәһәренең «Забота» халыкка социаль хезмәт күрсәтү үзәгендә өлкән буын вәкилләре белән очрашу үткәрде.
Белгечләр «Кулланучылар хокукларын яклау турында» 07.02.1992 елның 2300-1 номерлы РФ Законының төп маддәләре буенча аңлатмалар бирделәр. Ял итүчеләр әңгәмәдә актив катнаштылар, түбәндәге мәсьәләләр буенча фикер алыштылар: сыйфатсыз товарны сатканда кулланучы таләпләрен канәгатьләндерү өчен ничә көн вакыт бирелә; сатып алынган товарның сыйфаты буенча кулланучы күпме вакыт эчендә сатучыга мөрәҗәгать итә ала; гарантия срогы булмаганда, экспертизаны кем үткәрергә тиеш; дару препаратлары кире кайтарылырга һәм алмаштырылырга тиешме? Белгечләр шулай ук сезонлы товарлар өчен сроклар турында да сөйләделәр. Мәгълүмат ял итүчеләр өчен генә түгел, ә әлеге пансионат хезмәткәрләре өчен дә файдалы булды. Чара барышында Кулланучылар хокукларын яклау белән бәйле конкрет ситуацияләр һәм аларны хәл итүнең оптималь вариантлары каралды.
Очрашу дустанә һәм иркен атмосферада узды. Пансионат администрациясе Татарстан Республикасы Дәүләт алкоголь инспекциясенең Чаллы территориаль органы белгечләренә шәһәр халкының кулланучылар белемнәрен арттыру өчен рәхмәт белдерде.
Чарада катнашучыларның барысына да белгечләрнең квалификацияле һәм тулы җаваплар бирелде, Татарстан Республикасы Дәүләт алкоголь инспекциясе тарафыннан эшләнгән кулланучылар өчен белешмәлекләр өләшенде.