Сез сорагыз - без җавап бирәбез
Татарстан Республикасы Дәүләт алкоголь инспекциясенең Чаллы территориаль органы эчке базарны үстерү һәм координацияләү бүлеге белгечләре Чаллы шәһәре һәм Тукай районы хезмәт ветераннары өчен пансионатта ял итүчеләр белән очрашу үткәрде. Очрашу «сорау - җавап» форматында узды.
Ял итүчеләр белән «Кулланучылар хокукларын яклау турында» 07.02.1992 елның 2300-1 номерлы РФ Законының төп маддәләрен мисалларда карадылар, ял итүчеләрнең аерым игътибары РФ Хөкүмәтенең 2463 карары белән расланган Товарларның аерым төрләрен сату кагыйдәләрен аңлатуга юнәлтелде.
Ял итүчеләрне түбәндәге сораулар кызыксындырды:
- сыйфатсыз товарны сатканда кулланучы таләпләрен канәгатьләндерү сроклары нинди;
- кулланучы сатып алынган товарның сыйфаты буенча кайсы вакыт эчендә мөрәҗәгать итә ала;
- товарга кем экспертиза үткәрергә тиеш;
- дару препаратлары кире кайтарылырга һәм алмашырга тиешме;
- сыйфатсыз азык-төлек товарлары сатып алганда ничек һәм кая мөрәҗәгать итәргә.
Белгечләр тыңлаучыларның кулланучылар базары өлкәсенә, кулланучылар буларак аларның хокукларын бозуга кагылышлы барлык сорауларына квалификацияле җаваплар бирделәр. Ял итүчеләр һәрвакыт бик игътибарлы һәм актив. Алынган мәгълүмат актуаль һәм ышанычлы кулланучы булырга, кулланучылар буларак, аларның хокукларын бозуга бәйле мәсьәләләрне хәл итә белергә мөмкинлек бирә.
Очрашу ахырында чарада катнашучыларга Татарстан Республикасы Дәүләт алкоголь инспекциясе тарафыннан эшләнгән товарлар һәм хезмәтләр турында төрле мәгълүмат белән брошюралар һәм буклетлар тапшырылды.
«Кайнар линия» телефоны эше белән таныштырдылар: 71-43-03.