Кем хаклы соң?
Татарстан Республикасы Дәүләт алкоголь инспекциясенең Түбән Кама территориаль органының эчке базарны үстерү һәм координацияләү бүлегенә вәзгыятьне аңлатуны сорап Түбәнкамалыдан шалтырату килде:
- «Пятерочка» кибетендә азык-төлек сатып алдым, исәп-хисап ясадым, Кибеттән чыккан вакытта ипи алырга онытканымны искә төшердем. Продуктлар белән пакетны әйберләр өчен шкафта калдырдым, ә алырга килгәч, шкафның ачылган булуы һәм минем пакетым юклыгы ачыкландым. Кибет администрациясенә мөрәҗәгать иттем. Алар исә, әйберләрнең сакланышы өчен җаваплылык тотмыйбыз, дигән тупас формада җавап бирделәр. Шул ук вакытта, миңа ачкычны югалткан өчен штраф салырга мөмкин дип әйттеләр, ләкин ачкыч минем кулда иде һәм товар сатып алу чегы да бар иде. Мин бу хәлдән бик нык стресс алдым һәм продуктларны югалтуданмы, әллә инде әлеге кибет җитәкчелегенең тупас мөнәсәбәтеннәнме – белмим. Бу очракта кем хаклы соң?
Әлбәттә, кибет белән идарә итүче хаклы түгел. Саклау шкафлары кемнеке? Кибетнеке. Шкаф ачкычын алганда, гражданин кибет белән килешү төзи. Әйе, ул язма формада түгел, әмма мондый килешү формасы рөхсәт ителә (РФ ГК 158 статьясы). РФ ГК 891 статьясы нигезендә, саклаучы (бу очракта кибет) саклауга тапшырылганнарның сакланышын тәэмин итү өчен шартнамәдә каралган барлык чараларны күрергә тиеш. Мондый ситуациядә беренче адым - сәүдә оешмасына матди зыян китерү турында дәгъва язу, нинди әйберләрнең һәм күпме суммага алынганлыгын күрсәтергә онытмагыз. Әгәр кибет җаваплылыктан баш тартса (шул исәптән кибет җитәкчелегенең тупас мөнәсәбәте аркасында мораль зыян да керә), барлык дәлилләрне китереп, судка мөрәҗәгать итәбез.