Консультация пунктын «На пионерском» ТКда оештырдылар
Татарстан Республикасы Дәүләт алкоголь инспекциясенең Казан территориаль органы белгечләре товарлар, эшләр, хезмәтләр сатып алганда кулланучылар хокукларын яклау мәсьәләләре буенча кулланучыларга һәм сатучыларга консультацияләр бирде.
Консультация пункты эшләгән вакытта гражданнар, нигездә, түбәндәге сораулар белән мөрәҗәгать иттеләр:
- азык-төлек булмаган товарны ничек алыштырырга?
- ялгыш сатып алынган азык-төлек товары өчен акчаны кире кайтарып буламы?
- мәгълүматка, товарлар сатып алганда һәм башкаларга мәҗбүри һәм кирәкле таләпләр турында.
Сатып алучылар еш кына сатучыга зурлыгы, фасоны, төсле буенча туры ктлмәгән әйберне алыштыру яки кире кайтару өчен кабат киләләр. Эшкуарлар һәм сатучылар бу хәлгә төрлечә җавап бирәләр. Сатып алучы таләпләрен үтәүдән законсыз баш тарткан очракта «Кулланучылар хокукларын яклау турында» 07.02.1992 еның 2300-1 номерлы Россия Федерациясе Законының 25 статьясы нигезләмәләрен аңлатырга туры килә. Кулланучы азык-төлек булмаган сыйфатлы товарны (товар) формасы, габаритлар, фасоны, төсе, үлчәме, яки комплектациясе буенча туры килмәсә, ундүрт көн дәвамында шундый ук товарга алмаштырырга хокуклы. Шул ук вакытта товар эксплуатациядә булырга тиеш түгел, товар төре, куллану сыйфатлары, фабрика биркалары һәм ярлыклар сакланырга тиеш.
Алмашу өчен кирәкле товар сатып алучының мөрәҗәгате вакытында булмаганда, сатучы товарны сатып алучы кире кайтарганнан соң өч көн эчендә акчаны кире кайтару мәсьәләсе хәл ителә.
Барлык сораулар буенча аңлатмалар бирелде.
Сатучыларга эштә кулланучылар проблемаларын ирекле хәл итү формуласын, ягъни судка кадәр тәртиптә кулланырга киңәш ителде.
Мөрәҗәгать итүчеләргә Татарстан Республикасы Дәүләт алкоголь инспекциясенең территориаль органнарының эчке базарны үстерү һәм координацияләү бүлекләренең адреслары һәм телефоннары, актуаль темалар буенча Кулланучылар хокукларын яклау өлкәсендәге гамәлдәге законнар аңлатмасы белән брошюралар һәм буклетлар рәвешендәге мәгълүмати белешмәлекләр тәкъдим ителде.