Хуҗалык итүче субъектка консультация бирелде
Татарстан Республикасы Дәүләт алкоголь инспекциясенең Чистай территориаль органына телефон аша кулланучылар хокукларын яклау турындагы законнарга кулланучылар таләбе буенча сыйфатлы азык-төлек булмаган товарлар алмашу өлешендә аңлатма бирү үтенече белән гражданин мөрәҗәгать итте.
Кулланучы сатучыга бер атна элек сатып алынган тиешле сыйфатлы тышлау плиткасын алмаштыру таләбе белән мөрәҗәгать иткән. Сатучы сатып алучыга товарны алмаштырудан баш тарта, чөнки плитка метражга җибәрелә, ягъни товарның бәясе мәйданга - квадрат метрга бәйле. Кулланучы сатучыга дәгъва юллаган һәм яклау сорап компетентлы органнарга мөрәҗәгать итәчәген хәбәр иткән.
Сатучыга «Кулланучылар хокукларын яклау турында» РФ Законының 25 статьясына (алга таба – Закон) аңлатма бирелде. Моннан тыш, алмашырга тиешле булмаган сыйфатлы азык-төлек булмаган товарлар исемлеге җентекләп каралды. 2021 елдан кире кайтарылмый торган товарлар исемлеге актуальләштерелде. Яңа исемлектә дә элеккеге редакциядәге кебек 14 позиция бар, әмма кайбер пунктларга төзәтмәләр кертелгән. Исемлекнең 4 пункты нигезендә, озынлыгы берәмлеге (миллиметр, сантиметр, метр, километр) өчен билгеләнә торган төзелеш һәм бизәү материалларын (линолеум, пленка, келәм һ.б.) алмашып булмый, иске формулировкада – метражга җибәрелә торган материаллар диелгән. Метраж - метрда берәр нәрсәнең озынлыгы яки квадрат метрда күрсәтелгән нәрсәнең мәйданы. Шулай итеп, яңа исемлек буенча, төзелеш һәм бизәү материалларына бәя квадрат метрларда күрсәтелсә, алар, сыйфатлы товарлар буларак, алыштырылырга тиеш.
Сатучыга әлеге товар кулланылышта булмаган, аның товар төре, куллану үзенчәлекләре, тутыру, фабрика ярлыклары сакланган очракта, кулланучының законлы таләпләрен үтәргә тәкъдим ителде.