«Товар белән нәрсә булган?»
Татарстан Республикасы Дәүләт алкоголь инспекциясенең Арча территориаль органына Балтач районында яшәүче «Озон» интернет - кибете аша сатып алынган фенны тикшерүне сорап мөрәҗәгать итте. Проблема шунда ки, товар заказга һәм күрсәтелгән характеристикаларга туры килмәгән.
Безгә мөрәҗәгать иткәнче, сатучы белән кулланучы арасындагы сату-алу килешүен өзү турында килешергә тырышу уңышсыз булып чыккан. Акчаны кире кайтару турындагы яңгыраган берничә мөрәҗәгатькә «Товар белән нәрсә булган?» дигән сорау гына яңгырый, гәрчә товар, сәбәпләрен аңлатып, икенче көнне үк кире кайтарылса да.
Татарстан Республикасы Дәүләт алкоголь инспекциясенең Арча территориаль органы хезмәткәре кулланучылар хокукларын яклау турындагы законнарның статьяларына сылтама белән дәгъва төзеде.
«Кулланучылар хокукларын яклау турында» РФ Законының 26.1 статьясы нигезендә, кулланучыга законның 10 статьясында каралган товар турында мәгълүмат бирелергә тиеш.
«Кулланучылар хокукларын яклау турында» РФ Законының 12 статьясы нигезендә сатып алучыга товар (эш, хезмәт) турында тулы һәм дөрес мәгълүмат бирмәгән сатучы (башкаручы) законның 18 статьясындагы 1-4 пунктларында каралган җаваплылыкка тартыла.
Дөрес консультация һәм квалификацияле ярдәм нәтиҗәсендә мәсьәләне судка кадәр хәл итеп булды. Сатып алучыга товар өчен акчаны кире кайтарганнар.
Шатланып, сатып алучы Татарстан Республикасы Дәүләт алкоголь инспекциясенең Арча территориаль органы белгечләренә квалификацияле ярдәмнәре өчен рәхмәт белдерде.