«Агат» кибетенә килүчеләргә Бөтендөнья кулланучылар хокукларын яклау көне турында мәгълүмат җиткерелде
Татарстан Республикасы Дәүләт алкоголь инспекциясенең Чистай территориаль органы һәм ТР буенча Роспотребнадзор идарәсе белгечләре Бөтендөнья кулланучылар хокукларын яклау көне кысаларында Кулланучылар хокукларын яклау турындагы законнарны аңлату максатыннан Кулланучылар өчен консультация өстәле оештырдылар.
Кулланучыларга быел Бөтендөнья кулланучылар хокукларын яклау көне «Экологик чиста энергия һәм продукция куллануга күчү аша кулланучыларның хокукларын һәм мөмкинлекләрен киңәйтү» девизы астында узуы турында хәбәр иттеләр. Белгечләр кулланучыларның игътибарын бөтен дөнья буенча кулланучылар очраткан көнүзәк проблемаларга җәлеп итте. Хәзерге җәмгыять тормышында кулланучының җитештерүчегә йогынтысы арта. Нәкъ менә кулланучылар сайлавы товарлар һәм хезмәтләр җитештерүгә сакчыл карашларны бөтен җирдә кертүгә йогынты ясый ала.
Чара барышында «Кулланучылар хокукларын яклау турында» РФ законының кайбер нормалары каралды. Мәсәлән, сатып алучыларның берсе үтенече буенча тиешле сыйфатлы товарларны кайтару тәртибе җентекләп каралды. Сатып алучыларга товарны алыштыруны ул товар кулланылышта булмаган товарлар исемлегенә кермәгән очракта һәм товар кулланылышта булмаган очракта гына, аның товар төре, куллану үзлекләре, пломбалар, фабрика ярлыклары сакланып калган очракта, шулай ук товар яки касса чегы яки түләүне раслаучы башка документ булган очракта гына таләп итәргә мөмкин, дип аңлаттылар.
Чара барышында Кулланучылар хокукларын яклау турындагы закон кысаларында башка мәсьәләләр дә каралды.