Спас районында җиһазлар салонына килүчеләргә кулланучылар хокуклары турында аңлаттылар
Татарстан Республикасы Дәүләт алкоголь инспекциясенең Чистай территориаль органы хезмәткәре Болгар шәһәрендә урнашкан җиһазлар салонында консультация өстәле үткәрде. Чара барышында йорт җиһазлары сатып алганда кулланучыларның хокуклары аңлатылды, алдан түләнгән мебельне китерү срокларын бозу ситуациясен җентекләп карадылар.
Сатып алучыларга, әгәр җиһаз компаниясе алдан түләнгән товарны сатып алу-сату килешүе белән билгеләнгән тапшыру вакытын боза икән, сатучы адресына язмача дәгъва җибәрергә кирәк, дип хәбәр иттеләр. РФ «Кулланучылар хокукларын яклау турында»гы Законының 23.1 маддәсе нигезендә, әгәр сатып алу – сату килешүендә билгеләнгән күләмдә алдан түләү суммасын алган сатучы товарны кулланучыга шундый килешүдә билгеләнгән срокта тапшыру бурычын үтәмәсә, кулланучы үз сайлавы буенча түбәндәгеләрнең берсен таләп итәргә хокуклы:
- түләнгән товарны тапшыруның яңа срогын билгеләүне;
- сатучы тапшырмаган товар өчен алдан түләнгән сумманы кире кайтаруны.
Сатучы тарафыннан түләнгән товарны тапшыру вакытын бозган очракта, сатучы кулланучыга һәр кичектерелгән көн өчен алдан түләнгән сумманың 0,5 проценты күләмендә неустойка түләргә тиеш.
Кулланучы таләпләре үтәлмәгән очракта, ирекле рәвештә судка мөрәҗәгать итәргә кирәк.
Моннан тыш, Роспотребнадзорның территориаль бүлегенә килеп туган хәлне аңлатырга кирәк, һәм гариза белән мөрәҗәгать итәргә мөмкин. Аны карау нәтиҗәләре буенча Роспотребнадзор тикшерү үткәрергә тиеш, һәм кулланучы белдергән бозулар расланган очракта, сатучыга сату кагыйдәләрен бозган өчен штраф санкцияләре кулланылачак.
Чараның төп максаты - кулланучыларның белем дәрәҗәсен күтәрү һәм кулланучыларның үз хокукларын яклау системасын гамәлгә ашыру.
Чара барышында кулланучыларның төрле темаларга хокукларын яклау тематикасы белән буклетлар таратылды.