«Мәскәү ярминкәсе» кибетендә Кулланучылар хокукларын яклау турындагы законнарга аңлатма бирелде
Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге белгече Яңа Чишмә муниципаль районы Башкарма комитеты белгече белән берлектә «Мәскәү ярминкәсе» кибетендә Кулланучылар хокукларын яклау турындагы законнарны аңлату буенча кулланучылар өчен консультация өстәле оештырды.
Шәхси эшмәкәр азык-төлек булмаган товарлар сату буенча эшчәнлек алып бара. Биредә товарның бәясе, кагыйдә буларак, башка кибетләргә караганда түбәнрәк һәм шуңа күрә сатып алучылар теләп киләләр.
Чара барышында кулланучыларга сыйфатлы һәм сыйфатсыз товарларны сатучыга кайтару тәртибе аңлатылды. Тиешле сыйфатлы алмашынырга тиеш булмаган азык-төлек булмаган товарлар исемлеген өйрәнделәр. Сатып алучыга сыйфатсыз товар сатып алган очракта, сатучыларга карата язмача дәгъва белдерергә киңәш ителә. 2020 елның беренче гыйнварыннан кулланучының дәгъвасы килгән очракта, сатучы аңа белдергән таләпләргә карата җавап җибәрергә тиеш. Дәгъвага җавап бирмәгән өчен сатучы ТР буенча Роспотребнадзор ҖЧҖ хезмәткәрләре тарафыннан сату кагыйдәләрен бозган өчен административ җаваплылыкка тартылырга мөмкин.
Хокукый ярдәм алу өчен сатып алучыларга Татарстан Республикасы Дәүләт алкоголь инспекциясенең Чистай территориаль органына мөрәҗәгать итәргә киңәш ителә.