Кәрәзле элемтә кибетендә гражданнарга консультацияләр бирелде
Татарстан Республикасы Дәүләт алкоголь инспекциясенең Чистай территориаль органы хезмәткәре Болгар шәһәренең кәрәзле элемтә кибетендә консультация өстәле оештырды. Чара барышында Кулланучылар хокукларын яклау турындагы закон нигезләре һәм кәрәзле телефон сатып алганда өстәмә хезмәтләр өчен түләүдән баш тарту үзенчәлекләре аңлатылды.
Товар сатып алганда өстәмә хезмәтләрне «мәҗбүриләп тагу» кулланучылар хокукларын бозу булып тора, һәм бу гамәл бик еш очрый. Еш кына кулланучылар өстәмә хезмәтләр турында касса чегын алганда гына беләләр.
1992 елның 7 февралендәге 2300-I номерлы «Кулланучылар хокукларын яклау турында»гы РФ Законының 16 статьясы нигезендә кулланучылар хокукларын Россия Федерациясенең Кулланучылар хокукларын яклау өлкәсендәге законнары яки башка хокукый актлары белән чагыштырганда кулланучы хокукларын кысучы килешү шартлары гамәлдә түгел дип таныла.
Мондый хәлгә юлыккан кулланучыга товар сатучыга язмача гариза (дәгъва) белән мөрәҗәгать итәргә киңәш ителә. Әгәр 10 көн эчендә гаризага (дәгъвага) җавап килмәсә яки сатучының җавабы тискәре булса, мәсьәләне суд тәртибендә хәл итәргә кирәк. Дәгъва проектын һәм дәгъва гаризасын әзерләүдә ярдәм сорап Татарстан Республикасы Дәүләт алкоголь инспекциясе белгечләренә мөрәҗәгать итәргә мөмкин.
Үткәрелгән чараның төп максаты - кулланучыларның хокукларын яклау мәсьәләләре буенча белем дәрәҗәсен күтәрү. Чара барышында кулланучыларның төрле темаларга хокукларын яклау тематикасы белән буклетлар таратылды.