Шикаятьләр китабын бирегез!
Татарстан Республикасы Дәүләт алкоголь инспекциясенең Түбән Кама территориаль органы эчке базарны үстерү һәм координацияләү бүлегенең «кайнар линия» телефонына «вакыйгалар урыны»ннан, ягъни шәһәр пекарнясыннан шалтырату килде. Ачулы сатып алучы пекарняда аңа бәяләмәләр һәм тәкъдимнәр китабын бирмәүләренә зарлана.
- Ул булырга тиешме? - дип сорый кулланучы.
Дәүләт органы хезмәткәрләре аңлатуынча, 2021 ел башыннан ваклап сату өлкәсендә эшчәнлек алып баручы хуҗалык итүче субъектлар өчен бәяләмәләр һәм тәкъдимнәр китабы булу бурычы алынды (РФ Хөкүмәтенең 2020 елның 31 декабрендәге 2463 номерлы карары). Ләкин, сатучының, кулланучының дәгъвасы булган очракта, аңа белдергән таләпләргә карата җавап бирү бурычы беркетелгән. Кулланучының дәгъвасына җавап булмау факты буенча, хуҗалык итүче субъект РФ Административ хокук бозулар кодексы 14, 15 статьяларына ярашлы рәвештә административ җаваплылыкка тартылырга мөмкин.
Исегезгә төшерәбез, Татарстан Республикасы Дәүләт алкоголь инспекциясенең Түбән Кама территориаль органына Түбән Кама шәһәре, Бызов урамы, 20а йорты адресы буенча, 8(8555)36-63-76 телефон номеры буенча консультация бирә, яки дәгъва, дәгъва гаризасын төзүдә ярдәм күрсәтү өчен түләүсез нигездә мөрәҗәгать итәргә мөмкин.