Шәхси эшмәкәр кибетендә укулар үтте
Татарстан Республикасы Дәүләт алкоголь инспекциясенең Әлмәт территориаль органы хезмәткәре Венера Шәрәфетдинова Әлмәт шәһәрендә парфюмер-косметик әйберләр һәм башка товарлар сатуны гамәлгә ашыручы хуҗалык итүче субъект өчен кибеттә укулар үткәрде.
Ул косметика һәм парфюмерия сатканда сатучының РФ законының 07.02.1992 елның 2300-1 номерлы «Кулланучылар хокукларын яклау турында»гы таләпләрен, шулай ук РФ Хөкүмәтенең 31.12.2020 елның 2463 номерлы карары белән расланган товарларның аерым төрләрен сату Кагыйдәләрен үтәргә тиешлеген искәртте.
Игътибар итегез, парфюмерия-косметика продукциясе турында барлык кирәкле мәгълүмат сатучы тарафыннан, товарны дөрес сайларга ярдәм итәр өчен, кулланучыга вакытында тәкъдим ителергә тиеш.
Парфюмерияне сайлаганда, косметикага эшләнмәнең куллану үзлекләренә карата саклык күрсәтергә кирәк, чөнки Законның 25 статьясында каралган тиешле сыйфатлы товарны алмаштыру хокукы һәм 2463 номерлы Кагыйдәләргә ярашлы рәвештә, парфюмерия-косметика эшләнмәләренә кагылмый!
Мондый товарны кибеткә кимчелекләре булган очракта гына яки сатып алганда товар турында кирәкле һәм ышанычлы мәгълүмат бирелмәгән очракта гына кайтарырга мөмкин.
Кулланучы сатучыга тиешле язма дәгъва белән мөрәҗәгать итә ала, аны махсус рәвештә тапшырырга яки почта элемтәсе аша заказ хаты белән җибәрергә кирәк.