«Пятёрочка» кибетендә аңлату чарасы уздырылды
Татарстан Республикасы Дәүләт алкоголь инспекциясенең Чистай территориаль органы хезмәткәрләре тарафыннан атна саен социаль әһәмиятле азык-төлек товарларына бәяләр мониторингы үткәрелә, алар Кулланучылар хокукларын яклау мәсьәләләре буенча кибет сатучылары өчен укыту семинарлары белән бергә оештырыла. Август башында Татарстан Республикасы Дәүләт алкоголь инспекциясенең Чистай территориаль органы хезмәткәре Болгар шәһәрендә «Пятерочка» кибете хезмәткәрләре өчен семинар - уку оештырды.
Чараның төп максаты - кулланучылар хокукларын яклау турындагы закон нормаларын сатучыларга җиткерү. Чара барышында Россия Федерациясенең 07.02.1992 елның 2300-1 номерлы «Кулланучылар хокукларын яклау турында»гы Законына, Россия Федерациясе Хөкүмәтенең 31.12.2020 елның 2463 номерлы карары нигезендә ваклап сату-алу килешүе буенча товарлар сату кагыйдәләренә аңлатмалар бирелде. Шулай ук коррупциягә каршы юнәлешле мәгълүмат бирелә. Сатыла торган товарларга бәяләрне рәсмиләштерү кагыйдәләре, сатучы һәм товарлар турында мәҗбүри һәм ышанычлы мәгълүмат булу, оешманың элмә тактасы һәм товарлар турында мәгълүмат булу, товарларның яраклылык срокларын һәм саклау шартларын күзәтү һәм, әлбәттә, сатып алучыларга хезмәт күрсәтү культурасы турында консультацияләр бирделәр. Товарда кимчелекләр ачыкланганда кулланучылар белән конфликтлы ситуацияләрне карау мәсьәләләре күтәрелде, шулай ук сатучыларга кулланучылар проблемаларын ирекле хәл итү формуласын кулланырга киңәш ителә, ягъни судка кадәрге тәртиптә.
Сатып алучылар арасында кулланучылар базары өлкәсендә гамәлдәге законнарны аңлатучы белешмәлекләр һәм буклетлар таратылды. Катнашучыларга кулланучыларның шикаятьләрен һәм мөрәҗәгатьләрен карау тәртибе аңлатылды.