Сату-алу шартнамәсе ачыктан-ачык булып тора
Татарстан Республикасы Дәүләт алкоголь инспекциясе хезмәткәрләре компанияләргә һәм шәхси эшмәкәрләргә бушлай консультацияләр бирә. Күчмә чаралар кысаларында Татарстан Республикасы Дәүләт алкоголь инспекциясенең Түбән Кама территориаль органы башлыгы Вадим Шипилов Сарман муниципаль районының берничә сәүдә объектында булды, анда ул сәүдә вәкилләренә алкоголь һәм кулланучылар базары өлкәсендә гамәлдәге закон нормаларын аңлатты.
Сатучылар кулланучылар белән эшләү турында турыдан-туры сораулар бирә алдылар. Мисал өчен:
- Сатучының билгеле бер сәбәпләр аркасында (исерек, цензурасыз сүгенү һ. б.) сатып алучыга хезмәт күрсәтүдән баш тартырга хокукы бармы?
Түбән Кама территориаль органы башлыгы аңлатканча, әгәр сатучы хезмәт күрсәтүдән баш тартса, «Кулланучылар хокукларын яклау турындагы Законны» һәм РФ Гражданлык кодексын бозачак:
- Товарларны сату-алу шартнамәсе гавами була һәм коммерциячел оешманың аңа мөрәҗәгать иткән һәркемгә карата үз йөкләмәләрен үтәү бурычын билгели. Шул ук вакытта оешма, законда һәм башка хокукый актларда каралган очраклардан тыш, гавами шартнамә төзүгә карата бер затка икенчесеннән өстенлек бирергә хокуклы түгел (РФ ГК 426 маддәсе). Кулланучыга тиешле товарлар, хезмәтләр күрсәтү, аның өчен тиешле эшләр башкару мөмкинлеге булганда коммерция оешмасының гавами шартнамә төзүдән баш тартуы рөхсәт ителми. Коммерция оешмасы гавами шартнамә төзүдән баш тартканда, граждан шартнамә төзергә мәҗбүр итү турындагы таләп белән үз хокукларын яклау өчен судка мөрәҗәгать итәргә хокуклы. Бу очракта шартнамә тиешле суд карары закон көченә кергән вакыттан алып суд карарында күрсәтелгән шартларда төзелгән дип санала.