Олы яшьтә дә танып белергә соң түгел
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре Чаллы шәһәре һәм Тукай районы хезмәт ветераннары пансионатында ял итүчеләр белән очрашу үткәрделәр. Пансионатта ай саен очрашулар һәрвакыт җанлы аралашу, дусларча атмосферада уза. Ял итүчеләргә «Кулланучылар хокукларын яклау турында» 1992 елның 07 февралендәге 2300-1 номерлы РФ Законының төп маддәләре аңлатылды, ял итүчеләрнең аерым игътибары РФ Хөкүмәтенең 2463 номерлы карары белән расланган Товарларның аерым төрләрен сату кагыйдәләрен аңлатуга юнәлтелде.
Мондый төшенчәләрне тикшерделәр:
- кулланучы, сатучы, җитештерүче кем ул?
- кулланучының һәм сатучының нинди хокуклары бар?
Берничә сорауга җавап бирделәр:
- сыйфатсыз товар сатканда кулланучының таләпләрен канәгатьләндерү сроклары;
- кулланучы сатып алынган товарның сыйфаты буенча күпме вакыт аралыгында мөрәҗәгать итә ала?
- экспертизаны кем үткәрергә тиеш?
- дару препаратлары кире кайтарылырга һәм алыштырылырга тиешме;
- аларны кире кайтарып буламы?
- тиешле сыйфатта булмаган азык-төлек товарлары сатып алганда, ничек һәм кая мөрәҗәгать итәргә?
Белгечләр тыңлаучыларның сорауларына квалификацияле җаваплар бирделәр. Ишетелгән мәгълүмат актуаль һәм тыңлаучыга алган белемнәрен гамәлдә кулланырга мөмкинлек бирә, ышанычлы кулланучы булырга, кулланучылар буларак аларның хокукларын бозуга бәйле мәсьәләләрне хәл итә белергә өйрәтә.
Очрашу азагында чарада катнашучыларның һәрберсенә Татарстан Республикасы Дәүләт алкоголь инспекциясе тарафыннан эшләнгән товарлар һәм хезмәтләр турында төрле мәгълүматлы брошюралар һәм буклетлар таратылды.