Кулланучы сыйфат өчен!
Татарстан Республикасы Мамадыш муниципаль районында профилактик чаралар уздырылды. Татарстан Республикасы Дәүләт алкоголь инспекциясенең Яр Чаллы территориаль органының эчке базарны үстерү һәм координацияләү бүлеге белгечләре районның сәүдә объектлары территориясендә сатып алучылар һәм сатучылар белән очрашты.
Товарлар һәм хезмәтләр сыйфаты, тормыш сыйфаты темасына әңгәмәләр үткәрделәр, кулланучылар базарында сатучының да, кулланучыларның да хокуклары һәм бурычлары турында сөйләштеләр.
Бүгенге көндә кулланучының товар яки хезмәт сыйфатына хокукы закон белән беркетелгән һәм «Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законында 4 статьяда язылган: «Сыйфат – ул товарга яки хезмәт күрсәтүгә кулланучыларның ихтыяҗларын канәгатьләндерү сәләтен бирә торган үзлекләр җыелмасы. Сыйфатлы продукция мәҗбүри таләпләргә, килешү шартларына туры килергә, сатып алына торган максатларда файдалану өчен яраклы булырга, үрнәк яисә тасвирламага туры килергә тиеш».
Сатып алучылар РФ Хөкүмәтенең 2020 елның 31 декабрендәге 2463 номерлы карары белән таныштылар.
Очрашуда катнашучыларның һәрберсенең кулланучылар мөнәсәбәтләре өлкәсендә үзен кызыксындырган сорауларын бирү мөмкинлеге булды.
Очрашуларда катнашучыларның барысына да мәгълүмат буклетлары тапшырылды:
- «Кулланучының тиешле сыйфатлы товарны алмаштыру һәм кире кайтару хокукы»,
- «Ничек дөрес дәгъва төзергә»,
- «Алмаштырылырга тиеш булмаган тиешле сыйфатлы азык-төлек булмаган товарлар исемлеге» һ.б.
Куллану мөнәсәбәтләре культурасын күтәрү, сатыла торган товарларның һәм күрсәтелә торган хезмәтчеләрнең сыйфатын күтәрү, шулай ук халыкның куллану грамоталылыгын арттыру – мондый чараларны үткәрүнең максаты. Татарстан Республикасы Дәүләт алкоголь инспекциясенең Яр Чаллы территориаль органы белгечләре һәр гражданга актив гражданлык позициясендә булырга, кулланучы буларак үз хокукларын яклый белүләрен телиләр.