Кулланучы әлифбасы: ясалма чыршы сайлыйбыз
Яңа ел алдыннан җитештерүчеләр тарафыннан тәкъдим ителгән ясалма чыршыларның күптөрлелеге хыялны таң калдыра. Ясалма чыршыны сайлаганда кулланучыга нәрсәләргә игътибар итәргә?
Сыйфат: ботаклар ышанычлы итеп беркетелергә тиеш, ботаклардагы ылыслар да нык торырга тиеш. Ылысларны җиңелчә генә тартып карагыз, алар өзелергә тиеш түгел. Уч белән ботак буенча ылыслар үсешенә каршы үткәрегез, ботакны уч төбендә кысыгыз, бу вакытта сыйфатлы ылыслар тиз генә башлангыч формага керерләр һәм коелмаслар. Ботакларның очларында очлы кырыйлар, ялангач тимер чыбыклар булмаска тиеш.
Ис: аз характерлы пластик исе кыска вакыт эчендә булырга мөмкин. Әче химик ис нормативларга туры килми торган материаллар куллану турында сөйли.
Янгын куркынычсызлыгы: сыйфатлы һәм куркынычсыз чыршы утка чыдам материаллардан ясалырга яисә януны булдырмаслык махсус составлар белән эшкәртелергә тиеш. Чыршы төргәгендә янгын куркынычсызлыгы турында мәгълүмат булырга тиеш. Әгәр яңа ел агачы ясалган материал җиңел янып китсә, бу бик куркыныч.
Ясалма агачны сайлаганда, аның төргәкләвенә, этикеткасына, кушымталы кәгазьгә урнаштырыла торган яисә Россия Федерациясенең гамәлдәге законнары нигезендә кулланучыларга башка ысуллар белән җиткерелергә мөмкин булган маркировкасына аерым игътибар бирергә кирәк.
Товарның маркировкасы (мәгълүмат) аңлаешлы, дөрес булырга һәм кулланучыларны ялгыш юлга кертмәскә тиеш. «Кулланучылар хокукларын яклау турында» 1992 елның 07 февралендәге 2300-1 номерлы РФ Законының (алга таба – Закон) 10 маддәсе нигезендә яңа ел чыршыларын сатучы сатучы сатып алучыга күрсәтмә һәм аңлаешлы рәвештә түбәндәге мәгълүматны җиткерергә тиеш:
- товарның исеме;
- берәмлек өчен яисә үлчәү берәмлеге өчен бәя турындагы мәгълүмат;
- әзерләүченең (сатучының) урнашу урыны (адресы), исеме;
- товарның төп куллану үзенчәлекләре турында белешмәләр;
- товарны нәтиҗәле һәм имин файдалану кагыйдәләре һәм шартлары.
Барлык мәгълүмат рус телендә бирелергә тиеш.
Кулланучыга шуны истә тотарга кирәк: табигый чыршы да, ясалма чыршы да - ул товар, һәм әгәр аңа сыйфатсыз товар сатылган булса, ул сатучыга мөрәҗәгать итәргә һәм Законның 18 маддәсендә билгеләнгән таләпләр куярга хокуклы:
- бу эшләнмәне, сатып алу бәясен тиешенчә яңадан исәпләп, башка маркалы (модельле, артикуллы) шундый ук товарга алыштыруны таләп итәргә;
- сатып алынган товарның бәясен тиешенчә киметүне таләп итәргә;
- сату-алу килешүен үтәүдән баш тартырга һәм товар өчен түләнгән сумманы кире кайтаруны таләп итәргә.