ЯҢАЛЫКЛАР

2022 елның алты аенда Россия Эчке эшләр министрлыгының Алабуга районы буенча бүлеге хезмәткәрләре тарафыннан Татарстан Республикасы Дәүләт алкоголь инспекциясенең Яр Чаллы территориаль органына алкогольле продукция әйләнеше өлкәсендә гамәлдәге законны бозу фактын ачыклау буенча тикшерүләр материаллары җибәрелде. Барлыгы 70 литрдан артык күләмдә спиртлы сыекча законсыз әйләнештән алынды.

Россия Эчке эшләр министрлыгының Түбән Кама районы буенча бүлеге хезмәткәрләре, тиешле озату документларыннан башка гына алкогольле продукция сату турында хәбәр итү буенча, сыра кибетләренең берсендә алкогольле продукцияне (сыра) ваклап сатуны оештырганда гамәлдәге закон таләпләрен үтәү буенча тикшерү үткәрде. Тикшерү барышында эшмәкәр товар-транспорт накладнойлары һәм сатучының БДАМСта сыраны исәпкә алмыйча гына алкогольле продукция (сыра) сатуын ачыклады. Барлыгы 97,5 литр күләмендә сыра законсыз әйләнештән алынды. 

Россия Эчке эшләр министрлыгының Түбән Кама районы буенча идарәсе хезмәткәрләре тарафыннан алкогольле продукциянең законсыз әйләнешен ачыклау буенча чаралар үткәрү барышында Түбән Кама районы авыл җирлеге кибетләренең берсендә лицензиясез һәм документларсыз гына көчле алкогольле продукция сату факты ачыкланды. Сәүдә залында шулай ук сыра, төрле атамадагы аракы, «фанфурик»лар бар иде.

Россия Эчке эшләр министрлыгының Бөгелмә районы буенча бүлеге хезмәткәрләренең Татарстан Республикасы Дәүләт алкоголь инспекциясенең Әлмәт территориаль органы контроль-инспекция бүлеге белгечләре белән берлектә уртак гамәлләре белән спиртлы продукцияне законсыз сату факты ачыкланды.

Россия Эчке эшләр министрлыгының Түбән Кама муниципаль районы буенча бүлеге хезмәткәрләре тарафыннан турыдан-туры ачыкланган очракта спиртлы сыеклык сату факты ачыкланды. Бу сәүдә объектында берничә тапкыр «фанфуриклар» алынган иде инде. Бу юлы «табыш» 98 литр: 49 000 сумлык 980 флакон тәшкил итә. Татарстан Республикасы Дәүләт алкоголь инспекциясенең Түбән Кама территориаль органы, эш материаллары тапшырылган очракта, шәхси эшмәкәргә карата тикшерү үткәрә. Хокук бозучы 14.6 ст. 1 ө. буенча административ хокук бозу турында беркетмә төзү өчен территориаль органга чакырылды. 

Татарстан Республикасы Дәүләт алкоголь инспекциясенең Түбән Кама территориаль органы белгечләре «Халык контроле» дәүләт мәгълүмат системасы аша кергән мөрәҗәгатьтә күрсәтелгән объектның урынына барып кайтты. Түбән Кама шәһәре, Химиклар пр., 44 адресы буенча урнашкан подвал бинасында спиртлы сыеклыкны законсыз сату факты кабат расланган. Законсыз әйләнештән 7 данә «фанфурик» алынган.

«Сыра әче, яраклылык вакыты күрсәтелмәгән. Кибетне тикшерүегезне сорыйм» - Түбән Кама кибетләренең берсенә карата «Халык контроле» Татарстан Республикасы Дәүләт Мәгълүмат Системасына әнә шундый шикаять керде. Татарстан Республикасы Дәүләт алкоголь инспекциясенең Түбән Кама территориаль органы белгечләре үткәргән контроль чара барышында, кибеттә чыннан да, 1995 елның 22 ноябрендәге 171-ФЗ номерлы Федераль законны бозу факты ачыкланды.

РФ Эчке эшләр министрлыгының Баулы районы буенча бүлеге һәм Татарстан Республикасы Дәүләт алкоголь инспекциясенең Әлмәт территориаль органы хезмәткәрләренең уртак чаралары барышында Баулы районының юл буе кафеларының берсендә физик затлар тарафыннан алкогольле һәм спиртлы азык-төлек продукциясен законсыз сату факты ачыкланды һәм моңа чик куелды. Ягъни, РФ КоАП 14.17.1 ст.1 ө.буенча җаваплылык каралган хокук бозу очрагы ачыкланды. 27,5 литр күләмендә алкогольле продукция законсыз әйләнештән алынды, административ тикшерү алып барыла.

Татарстан Республикасы дәүләт хакимияте башкарма органы хезмәткәрләре, «Халык контроле» дәүләт мәгълүмат системасына гражданнардан кергән мөрәҗәгатьләргә бәйле рәвештә, алкогольле продукцияне сату өлкәсендә контрольлек итү буенча чара үткәрде.

Мартның беренче көннәрендә Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре Менделеевск шәһәренең 2 сәүдә объектында сыра һәм сыра эчемлекләрен законсыз сату фактларын ачыклады.

«Халык контроле» дәүләт мәгълүмат системасында теркәлгән гаризалар нигезендә гражданнар тарафыннан билгеләнгән хокук бозулар буенча вәкаләтле вазыйфаи затлар тарафыннан контрольлек чаралары үткәрелде.