ЯҢАЛЫКЛАР

Арчада яшелчә һәм авыл хуҗалыгы продукциясе белән беренче ярминкәләр үтә башлады. 2021 елның 6 октябрендә Арча шәһәрендә чираттан тыш авыл хуҗалыгы ярминкәсе узды. Анда кишер, бәрәңге, суган, кәбестә, чөгендерне җитештерүчеләр бәясеннән сатып алырга була иде. Шулай ук сатуда ит, казылык әйберләре, сөт продукциясе, бал тәкъдим ителгән иде. Ярминкәләрнең максаты - азык-төлек продуктларына бәяләрнең артуын тоткарлау һәм халыкны авыл хуҗалыгы продукциясе һәм көндәлек азык-төлек товарлары белән тәэмин итү.

Сентябрь аеннан башлап ял көннәрендә Яр Чаллы шәһәрендә Габдулла Тукай яр буе («Төзүче» стадионы каршындагы мәйдан), «Южный» агросәнәгать паркы территориясендә, Ипподром территориясендә «Уңыш-2021» авыл хуҗалыгы ярминкәләре уза. Ярминкәдә катнашу өчен авыл хуҗалыгы товар җитештерүчеләре, крестьян һәм фермер хуҗалыклары, шәхси эшмәкәрләр, якын-тирә районнарның шәхси ярдәмче хуҗалыклары, шулай ук шәһәр халкы чакырылган иде.