Сыйфатлы хезмәт күрсәтү - яшерен корал
Бүген, көчле базар конкуренциясе шартларында, компаниянең озак вакыт үсештә булуы өчен кулланучылар белән ныклы ышанычлы мөнәсәбәтләр урнаштыру хәлиткеч фактор булып тора. Кулланучыларга сыйфатлы хезмәт күрсәтү - күп өлкәләрдә көндәшлек өстенлекләренең берсе. Хезмәт сыйфаты - кулланучылар продуктның сыйфатына бәя бирә торган яңа стандарт.
Сыйфатлы хезмәт күрсәтү - компаниянең бөтен коллективының җайга салынган эше нәтиҗәсе!
2023 елның 10 февралендә Татарстан Республикасы Дәүләт алкоголь инспекциясенең Казан территориаль органы хезмәткәрләре «Корал йорты» сәүдә компаниясе хезмәткәрләре белән кулланучыларга хезмәт күрсәтү сыйфатын һәм сервис культурасын үстерүгә юнәлдерелгән профилактик чара үткәрделәр.
Үткәрелгән чара барышында «Кулланучылар хокукларын яклау турында» Россия Федерациясе Законы нормалары, законнарга үзгәрешләр, 2020 елның 31 декабрендәге 2463 номерлы ваклап сату-алу шартнамәсе буенча товарлар сату кагыйдәләре һәм 2020 елның 21 сентябрендәге 1514 номерлы Россия Федерациясендә халыкка көнкүреш хезмәте күрсәтү кагыйдәләре каралды.
Шулай ук сатыла торган товарларга һәм кулланучы почмагына бәяләрне рәсмиләштерү кагыйдәләре, сатучы һәм товар турында мәҗбүри һәм дөрес мәгълүмат бирү, оешманың элмә тактасы булуы, сатып алынган товарда җитешсезлекләр ачыкланганда кулланучылар белән мәсьәләләрне ничек хәл итәргә кирәклеге, сатучы тарафыннан дәгъваларны карау тәртибе һәм сроклары турындагы мәсьәләләр кузгатылды.