ЯҢАЛЫКЛАР

ТР Дәүләт алкоголь инспекциясенең Арча территориаль органы башлыгы Булат Кадыйров һәм ТР Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Рәфина Галиәхмәтова тарафыннан, Бөтендөнья кулланучылар хокукларын яклау көне уңаеннан чаралар үткәрү кысаларында, азык-төлек товарларын ваклап сату эшчәнлеге алып барыла торган Г.Г. Гыйльмуллина кибетендә сатучылар өчен укулар үткәрелде.

Кулланучыларның хокукларын яклау өлкәсендә кешеләрнең аң-белемле булу дәрәҗәсен арттыру кулланучыларга товарлар һәм хезмәтләр күрсәтү базарында үзләрен ышанычлы тоярга, сатып алганда һәм хезмәт күрсәтүләргә (эшләргә) заказ биргәндә игътибарлырак булырга, товарлар сатып алуга, хезмәтләр күрсәтү турында килешүләр төзегәндә барлыкка килгән бәхәсле хәлләрне җайга салганда «Кулланучыларның хокукларын яклау турында» Россия Федерациясе Законы нигезләмәләрен мөстәкыйль куллана белергә этәргеч бирә.

Бөтендөнья кулланучылар хокукларын яклау көненең темасы, кулланучыларның белем дәрәҗәсен арттыру максатында, бу өлкәдә булган проблемаларга халыкның игътибарын җәлеп итүгә ярдәм итәргә тиеш.

2020 елның 5 нче мартында ТР Дәүләт алкоголь инспекциясенең Арча территориаль органы башлыгы Булат Кадыйров һәм ТР Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Илшат Бәдретдинов Кукмара муниципаль районының Нырты авыл җирлегендә, урынга чыгып, гражданнарны кабул итте.