«Зөфәр» ҖЧҖ сәүдә объектында профилактик визит ясадылар
Татарстан Республикасы Дәүләт алкоголь инспекциясенең Арча территориаль органы хезмәткәрләре региональ дәүләт контролен (күзәтчелеген) тормышка ашырганда, зыян китерү куркынычын, закон тарафыннан саклана торган кыйммәтләргә зыян китерүне кисәтү максатларында хокук бозуларны профилактикалау визиты кебек төрен куллана башлады. Беренче шундый чара Теләче районында «Зөфәр» ҖЧҖ сәүдә объектында узды. «Зөфәр» ҖЧҖнең алкогольле һәм спиртлы продукцияне ваклап сату өлкәсендә бер ел элек эш башкаруга керешүе әлеге визитны үткәрүгә нигез булды. Хуҗалык итүче субъект вәкилләренә алкогольле һәм спиртлы продукция сатканда мөмкин булган хокук бозулар төрләре, бу өлкәдә законнарда билгеләнгән мәҗбүри таләпләрне үтәү чаралары, алкогольле һәм спиртлы продукция сату өлкәсендә дәүләт төбәк контролен (күзәтчелеген) оештыру һәм гамәлгә ашыру тәртибе, шулай ук әлеге өлкәдә законнарда билгеләнгән мәҗбүри таләпләрне үтәмәгән өчен җаваплылык чаралары турында мәгълүмат бирелде. Шулай ук вазыйфаи затларның гамәлләренә шикаять бирү, региональ дәүләт контролен (күзәтчелеген) гамәлгә ашыру барышында алар тарафыннан кабул ителгән карарлар судка кадәр тәртибе турында мәгълүмат бирелде.