Кулланучының сыйфатлы аяк киеменә хокукы
Бүген Татарстан Республикасы Дәүләт алкоголь инспекциясендә «Кулланучының сыйфатлы аяк киеме алуга хокукы» темасына түгәрәк өстәл узды. Чара Бөтендөнья кулланучылар хокукларын яклау көненә багышлана.
Исегезгә төшерәбез, 2019 елда Россиядә халык куллану товарларын мәҗбүри маркировкалау системасын этаплап кертү башланды.
2024 ел ахырына кадәр илдә товарларны маркировкалауның бердәм милли системасы булдырылачак.
Намус билгесе - төрле категориядәге товарларны маркировкалау һәм эзләү системасы. Сөт продукциясе, пакетланган су, кием (шул исәптән тире һәм күннән эшләнгән), аяк киеме, парфюмерия продукциясе, тәмәке әйберләре, дарулар, фотоаппаратлар, автопокрышкалар һәм шиналар маркировкалана.
«Честный ЗНАК» товарларның чынлыгын контрольдә тоту өчен Глобаль гомумдәүләт мәгълүмат системасы. Ул товарны җитештерүдән алып ваклап сатуга кадәр барлык этапларда күзәтеп, базарны ачык итәргә тиеш.
Маркировканы кертү максаты - контрафакт һәм «соры» продукцияне тулысынча бетерү.
2020 елның 1 июлендә аяк киеме өчен җитештерү, импорт һәм сәүдәнең яңа кагыйдәләре кертелә. Бу вакыттан башлап әйләнештә бары тик маркалы аяк киеме генә булырга тиеш. Җитештерүчеләр һәм импортерлар һәр парга маркировка кодларын куялар. Сатучылар аяк киемен «Честный ЗНАК» билгесе белән саталар.
Түгәрәк өстәл Татарстан Республикасы Дәүләт алкоголь инспекциясе белгечләре, Татарстан Республикасы буенча Роспотребнадзор идарәсе, Татарстан Республикасы сәнәгать һәм сәүдә министрлыгы, Казан шәһәре Башкарма комитеты, иҗтимагый оешмалар, массакүләм мәгълүмат чаралары вәкилләре катнашында узды.