Балалар лагеренда «Грамоталы кулланучы» темасына дәрес үткәрделәр
Яңа Чишмәнең «Факел» балалар лагеренда «Грамоталы кулланучы» дигән темага белем бирү чарасы узды. Аны Татарстан Республикасы Дәүләт алкоголь инспекциясенең Чистай территориаль органы белгече үткәрде.
Дәрес барышында укучылар кулланучыларның хокуклары һәм бурычлары турында актуаль мәгълүмат алдылар. Практик ситуация бурычларын тикшерү нигезендә катнашучылар «Кулланучылар хокукларын яклау турында» РФ Законын реаль тормыш ситуацияләрендә куллану механизмнарын өйрәнделәр. Товарларны алмаштыру һәм кире кайтару кагыйдәләренә, шулай ук сыйфатлы продукция сайлау һәм сатып алганда куркынычсызлык критерийларына аерым игътибар бирелде.
Чара материалны үзләштерү дәрәҗәсен бәяләргә мөмкинлек бирә торган анкета белән тәмамланды. Теманы мөстәкыйль өйрәнү өчен яшь катнашучыларга Кулланучылар хокукларын яклау буенча тематик белешмәләр һәм буклетлар тапшырылды.