ЯҢАЛЫКЛАР
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре «Пятерочка» кибетендә киң профилактик чара үткәрделәр.
Татарстан Республикасы Дәүләт алкоголь инспекциясенең Арча территориаль органы белгече Әтнә муниципаль районының «Кубян урта гомуми белем бирү мәктәбе» МББУның 8-10 сыйныф укучылары белән сыйныфтан тыш дәрес үткәрде. Мәктәп укучыларына «Кулланучылар хокукларын яклау турында» РФ Законының төп нигезләмәләре, сыйфатсыз товарлар сатып алганда килеп чыккан конфликтлы ситуацияләрне хәл итү тәртибе, техник яктан катлаулы көнкүреш товарларын сату үзенчәлекләре, башкарылган эшнең кимчелекләре ачыкланганда кулланучы хокуклары аңлатылды.
Татарстан Республикасы Дәүләт алкоголь инспекциясенең Әлмәт территориаль органы эчке базарны үстерү һәм координацияләү бүлеге хезмәткәрләре Әлмәт муниципаль районының Колшәрип авылында гражданнарны күчмә кабул иттеләр.
2023 елның 25 апрелендә Татарстан Республикасы Дәүләт алкоголь инспекциясенең Казан территориаль органы хезмәткәрләре ведомство карамагындагы Балык Бистәсе муниципаль районы территориясендә кулланучылар хокукларын яклау, шулай ук хуҗалык итүче субъектлар белән кулланучыларга хезмәт күрсәтүнең сыйфаты һәм культурасы мәсьәләләрендә халыкның хокукый белемен арттыру һәм аларга мәгълүмат бирү мәсьәләләре буенча семинарлар үткәрделәр.
Яр Чаллы территориаль органы хезмәткәрләре сәүдә һәм җәмәгать туклануы хезмәткәрләре өчен даими рәвештә консультация чаралары үткәрә.
Чираттагы чара Менделеевск шәһәренең «Бристоль» кибетендә узды.
Халыкның хокукый белемен арттыру һәм кулланучылар базарында хокук бозуларны кисәтү максатларында Татарстан Республикасы Дәүләт алкоголь инспекциясенең Чистай территориаль органы белгече тарафыннан «Алмаз-Холдинг» кибетендә кулланучылар өчен консультация өстәле оештырылды.
2023 елның 25 апрелендә Татарстан Республикасы Дәүләт алкоголь инспекциясенең Арча территориаль органы хезмәткәре «Альбион-2002» ҖЧҖнең «Бристоль» кибете сатучылары өчен кулланучылар хокукларын яклау турындагы законнарны үтәү мәсьәләләре буенча семинар үткәрде. Катнашучыларга «Кулланучылар хокукларын яклау турында» РФ Законы һәм Хөкүмәтнең 2020 елның 31 декабрендәге 2463 номерлы карары нигезендә аңлатмалар бирелде.
Арча шәһәренең сәүдә үзәгендә кизү тору барышында иминият компаниясенең шәхси автотранспорт чарасын иминиятләштерүдән нигезсез баш тартуы турында сорау белән кулланучы мөрәҗәгать итте.
Кулланучыга түбәндәгечә аңлатмалар бирелде: 25.04.2002 елның 40-ФЗ номерлы Законның 1 статьясы нигезендә «Транспорт чаралары хуҗаларының гражданлык җаваплылыгын мәҗбүри иминиятләштерү турында» ОСАГО килешүе ачык килешү булып тора.
2023 елның 25 апрелендә Татарстан Республикасы Дәүләт алкоголь инспекциясенең Арча территориаль органы хезмәткәре Теләче районы КФҮ ДБУ филиалында консультация пунктында гражданнарны кабул итте.
2023 елның 25 апрелендә «Авылым» ҖЧҖ сәүдә объекты (Арча районы) сатучылары өчен укыту семинары үткәрелде.
Семинар барышында кулланучы өчен мәгълүмати почмакларны, сәүдә объектының тулы исеме һәм эш вакыты язылган элмә такталарны рәсмиләштерүнең төп кагыйдәләре аңлатылды.