ЯҢАЛЫКЛАР
Өлкәннәр көненә багышланган чаралар кысаларында пенсионерлар төрле бушлай хезмәтләр ала, махсус акцияләрдә, спорт чараларында, иҗади кичәләрдә һәм төрле бәйрәм очрашуларында катнаша, музей һәм кинотеатрларда бушлай була алалар.
Өлкәннәр көне - ул үзенчәлекле көн - буыннарның бердәмлеге һәм дәвамчанлыгы, чорлар бәйләнеше символы. Үз тарихын белмәгән, өлкән буын турында кайгыртмаган җәмгыятьнең алга таба үсеш перспективалары юк. Безнең һәркайсыбызның изге бурычы - олы яшьтә булган кешеләрне ярату һәм игътибар белән әйләндереп алу.
2020 елның 1 октябрендә лаеклы ялда булган коллегаларны өлкәннәр көне белән котлау матур традициягә әверелде. Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров һәм Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Ләйсән Абдуллина элеккеге хезмәттәшләрен - Шәймуллина Фәврия Вафа кызын, Юзеева Нина Герасимовнаны, Шаһиева Дания Госман кызы, Юнысова Минсара Сафин кызын өйләренә барып котладылар. Пенсионерлар кунакларны шатланып каршы алды, игътибар күрсәткәннәре, хөрмәт һәм бүләк җыелмалары өчен рәхмәт белдерделәр. Очрашуда катнашучыларның барысында да күңелле тәэсирләр калды.
Ел саен бөтен дөньяда 1 нче октябрьдә Халыкара өлкәннәр көне билгеләп үтелә. Бу көнне хезмәт коллективлары үз пенсионерларын хөрмәтли. Татарстан Республикасы Дәүләт алкоголь инспекциясенең Чистай территориаль органы коллективы да читтә калмады, ул үз пенсионерларын – территориаль органның элеккеге җитәкчесе А.А.Сәлахиевны һәм консультант Е.А.Заворохинаны чын күңелдән бәйрәм белән котлады.
Татарстан Республикасы Дәүләт алкоголь инспекциясе җитәкчесе Җәүдәт Әхмәтханов "Алтын хезмәттәшләрен" халыкара Өлкәннәр көне белән котлый.