ЯҢАЛЫКЛАР
Кулланучылар хокукларын яклау мәсьәләләрендә халыкның хокукый грамоталылыгын арттыру максатында Татарстан Республикасы Дәүләт алкоголь инспекциясенең Арча территориаль органы хезмәткәрләре даими рәвештә халык өчен төрле чаралар оештыра.
Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге җитәкчесе Ләйсән Абдуллина Арча районының Урта Курса авыл җирлеге гражданнары белән очрашты. Чара барышында тиешле сыйфатта булмаган товарлар сатып алуга һәм аларда җитешсезлекләр табуга бәйле мәсьәләләр һәм тиешле сыйфатта булган товарларны алмаштыру сроклары каралды.
Чистай Выселкасы авылында гражданнарны күчмә кабул итү оештырылган. Чистай территориаль органы башлыгы Александр Панов консультант белән берлектә халык белән очрашу һәм җирлек башкарма комитеты хезмәткәрләре өчен семинар үткәрде.
Теләче районының Иске Җөри авыл җирлегендә кулланучылар хокукларын яклау һәм алкоголь продукциясен сату мәсьәләләре буенча гражданнар кабул ителде. Катнашучыларга законнарны аңлаттылар, хокукый грамоталылыкны арттыру буенча киңәшләр бирделәр һәм ТР Дәүләт алкоголь инспекциясе ресурслары, шул исәптән дәгъва үрнәкләре булган сайт турында мәгълүмат бирделәр. Очрашу нәтиҗәләре буенча һәр катнашучыга файдалы басмалар һәм ведомствоның контакт мәгълүматын тараттылар.
Татарстан Республикасы Дәүләт алкоголь инспекциясенең Казан территориаль органы башлыгы Марина Егорова Татарстанның Биектау һәм Лаеш районнарының авыл җирлекләрендә гражданнарны кабул итте. Халыкка сыйфатсыз товарлар сатып алганда һәм канәгатьләнерлек булмаган хезмәтләр алганда кулланучыларның хокуклары, шул исәптән дәгъва бирү сроклары һәм продукцияне алмаштыру процедурасы аңлатылды.
Коррупциягә каршы көрәш мәсьәләсе аерым каралды.
Әтнә районының Түбән Көек авылында кулланучылар хокукларын яклау һәм алкоголь әйләнеше мәсьәләләре буенча гражданнар кабул ителде. Аны Арча территориаль органы башлыгы Булат Кадыйров үткәрде. Халык техник яктан катлаулы көнкүреш техникасын, аяк киеме, мебель һәм башка товарларны кире кайтару турында сораулар белән мөрәҗәгать итте. Аларга тулы җаваплар һәм киңәшләр бирделәр. Барлык катнашучыларны «Вестник потребителя Татарстана» газетасы һәм файдалы белешмәләр белән тәэмин иттеләр.
Иске Чүриле авыл Советы бинасында Татарстан Республикасы Дәүләт алкоголь инспекциясенең Арча территориаль органы башлыгы халык белән очрашты.
Очрашуда сыйфатсыз товарларны кире кайтару һәм алмаштыру, эшне башкару срокларын бозу, Кредитлау вакытында өстәмә хезмәт күрсәтүдән баш тарту мәсьәләләре каралды. Бирелгән барлык сорауларга Татарстан Республикасы Дәүләт алкоголь инспекциясе компетенциясе чикләрендә аңлатмалар бирелде.
2025 елның 4 сентябрендә Татарстан Республикасы Дәүләт алкоголь инспекциясенең Арча территориаль органы хезмәткәрләре Балтач муниципаль районының Күгенүр авылында кулланучылар хокукларын яклау мәсьәләләре буенча чираттагы тапкыр гражданнарны кабул иттеләр.
Татарстан Республикасы Дәүләт алкоголь инспекциясенең Чистай территориаль органы башлыгы эчке базарны үстерү һәм координацияләү бүлеге консультанты белән берлектә Йолдыз бистәсендә яшәүчеләрне кулланучылар хокукларын яклау турындагы законнарны аңлату буенча күчмә кабул итү үткәрде. Шунда ук авыл җирлеге башкарма комитеты белгечләре өчен семинар-уку оештырылды.
Теләче районының Олы Мәтәскә авыл җирлегендә һәм Әтнә районының Кышкыл авыл җирлегендә кулланучылар хокукларын яклау мәсьәләләре буенча гражданнарны күчмә кабул итүләр узды. Чараларны Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров үткәрде.