ЯҢАЛЫКЛАР
Азык-төлек һәм азык-төлек булмаган товарларның аерым төрләрен сатканда сатып алучылар һәм сатучылар арасындагы мөнәсәбәтләрне "Кулланучыларның хокукларын яклау турында"гы Россия Федерациясе Законы нигезендә эшләнгән Товарларның аерым төрләрен сату кагыйдәләре җайга сала.
2019 елның 11 нче ноябрендә Татарстан Республикасы Дәүләт алкоголь инспекциясенең Яшел Үзән территориаль органы хезмәткәрләре "Халык контроле" дәүләт мәгълүмат системасында урнаштырылган мәгълүмат буенча кузгатылган административ эш кысаларында Яшел Үзән районы бистәләренең берсендәге кибетне карап чыкты. Тикшерү чаралары барышында сатучы вәкилләре кибеттә сатыла торган сыраның кайбер позицияләренә карата аларны җитештерүнең һәм әйләнешенең легальлеген таныклаучы документларны күрсәтә алмады. 47,46 литр продукция әйләнештән алынды. "Халык контроле" дәүләт мәгълүмат системасына мөрәҗәгать җибәрүчегә акчалата бүләк биреләчәк. Тикшерү дәвам итә.
Татарстан Республикасында Европа сыйфаты атналыгы кысаларында ТР Дәүләт алкоголь инспекциясе хезмәткәре Роспотребнадзор вәкиле белән берлектә Казан шәһәрендәге базарларның берсендә рейд үткәрде. Чара халык арасында кулланучы белеме нигезләрен арттыруга юнәлдерелгән иде. ТР Дәүләт алкоголь инспекциясе хезмәткәре Гөлфия Чурсина эшкуарлар һәм сатучылар белән аралашканда кулланучыларның хокукларын яклау буенча закон турында искә төшерде, мәгълүмати буклетлар таратты.
"Халык контроле" дәүләт мәгълүмат системасына гражданнардан килгән мөрәҗәгатьне карау барышында Казан территориаль органы хезмәткәрләре Казан шәһәренең Совет районы территориясендә контроль чаралар үткәрде. Космонавтлар урамы буенча урнашкан сәүдә объектларының берсендә тиешле документларсыз, шулай ук әлеге алкогольле продукцияне БДАМС системасында теркәмичә генә сыра һәм сыра эчемлекләренең әйләнештә булу факты билгеләнде.
ТР Дәүләт алкоголь инспекциясенең Арча территориаль органы башлыгы Булат Кадыйров һәм ТР Дәүләт алкоголь инспекциясенең Арча территориаль органы контроль-инспекция бүлеге консультанты Азат Хәлилов Татарстан Республикасы Саба муниципаль районының Явлаштау авыл җирлегендә күчмә чара үткәрде. Очрашу кулланучыларның хокукларын яклау турындагы законнарны киң колачлы пропагандалауны тәэмин итү һәм кулланучы белеме нигезләренә игътибарны җәлеп итү максатыннан чыгып уздырылды.
2019 елның октябрендә спирт һәм алкогольле продукция җитештерү һәм сату күләмнәре турында мәгълүматлар кабул итү 2019 елның 1 ноябреннән 11 ноябренә кадәр автоматлаштырылган рәвештә гамәлгә ашырылачак.
Бүген "Татар-Информ" мәгълүмат агентлыгында Татарстан Республикасында Европа сыйфат атналыгына багышланган матбугат конференциясе узды. Татарстан Республикасы Дәүләт алкоголь инспекциясенең эчке базарны үстерү һәм координацияләү бүлеге җитәкчесе Розалия Арсланова журналистларның сорауларына җавап бирде.
2019 елның 7 нче ноябрендә ТР Дәүләт алкоголь инспекциясенең "Халык контроле" дәүләт мәгълүмат системасына килгән мәгълүматны Казан территориаль органы хезмәткәрләре тарафыннан тикшерү барышында сәүдә объектларының берсендә спиртлы сыеклык сату факты ачыкланды.
Сәүдә объектын карау барышында һәрберсе 50 сумнан сатылучы сыеклык тутырылган 360 данәдән артык флакон табылды.
Күзлек – кысасы да, линзалары да – кыйммәтле әйбер. Рецепт буенча оптика кибетеннән сатып алынган күзлектә хилафлык (уң яктагы линзасында сыдырылган урын) булуы ачыкланган очракта һәм, кулланучы оптика кибетенә шул сәбәпле мөрәҗәгать иткәч, кибет хезмәткәрләре бу сыдырылган урынны күрмәсә, нишләргә соң? Чаллы шәһәрендә яшәүче ханым ТР Дәүләт алкоголь инспекциясенең Чаллы территориаль органына әнә шундый сорау белән мөрәҗәгать итте. Эчке базарны үстерү һәм координацияләү бүлеге белгечләре кулланучыны игътибар белән тыңлап, оптика кибетенә дәгъва хаты белән мөрәҗәгать итәргә киңәш иттеләр.
"Сыйфат атнасы" кысаларында һәм кулланучыларның хокукларын яклау һәм кулланучылар базарында хокук бозуларны кисәтү мәсьәләләрендә белем дәрәҗәсен күтәрү максатыннан ТР Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге җитәкчесе Ләйсән Абдуллина, ТР буенча "Роспотребнадзор" идарәсенең Арча, Биектау районнарындагы территориаль бүлекчәсе хезмәткәре белән берлектә, "Центр-2" ҖЧҖ сатучылары һәм менеджерлары өчен семинар үткәрде.