Алкоголь продукциясе буенча республика ведомствоара дегустация комиссиясе утырышы нәтиҗәләре
2025 елның 17 декабрендә Чистай шәһәрендә «Белый Кремль» сыра заводы ҖЧҖнең дегустация залында алкоголь продукциясе буенча республика ведомствоара дегустация комиссиясенең күчмә утырышы булды.
Көн тәртибендә - «Белый Кремль» сыра заводыҖЧҖ продукциясен ачык дегустацияләү.
Утырышта катнашучылар «Белый Кремль» сыра заводы ҖЧҖ җитештерә торган продукциянең сыйфаты һәм бизәлеше югары дәрәҗәдә булуын билгеләп үттеләр.
Дегустация комиссиясе әгъзалары һәм чакырылганнар тарафыннан сыра продукциясенең үтә күренмәлелек, хуш ис һәм тәм критерийлары буенча органолептик характеристикалары яңгырады. Тәкъдим ителгән үрнәкләр чиста, әчетелгән, салат төсле, колмак ачы һәм чит тәмсез хуш ис һәм тәмгә ия. Шулай ук сыраның күбекле характеристикалары да югары дәрәҗәдә.
Дегустация комиссиясе әгъзалары һәм чакырылганнар сыра кайнату музеенда булдылар, предприятие төзелеше тарихы, сыра җитештерүнең төп җитештерү һәм технологик процесслары, җитештерелә торган продукциянең сыйфатын контрольдә тоту ысуллары белән таныштылар.