ЯҢАЛЫКЛАР
2021 елның 3-6 мартында Яр Чаллы шәһәренең «ЭКСПО-КАМА» күргәзмә үзәгендә «Строй - экспо - Татарстан - 2021» дип исемләнгән махсуслаштырылган күргәзмә эшләде.
Күргәзмәдә җирле, чит ил җитештерүчеләре һәм дилерлар катнашты. Шәһәр халкы һәм кунаклары өчен кухня экспонатлары, дивар панельләре, полимер композиттан идән капламнары, җиһаз, келәмнәр, каминнар, баскычлар, вазалар тәкъдим ителә.
Ел дәвамында, районнарда традицион авыл хуҗалыгы ярминкәләре үткәрелә. Халыкара хатын-кызлар көне алдыннан шундый ярминкәләрнең берсе Минзәлә шәһәрендә узды. Авыл җирлекләре, шәхси ярдәмче хуҗалыклар, фермерлар, кибетләр һәм шәхси эшмәкәрләр үз продукцияләрен һәм эшләнмәләрен ярминкәдә тәкъдим иттеләр. Сатып алучыларга итнең киң ассортименты тәкъдим ителде: сыер ите, сарык, кош-корт ите; сөт продуктлары; бал; бәрәңге, кишер, чөгендер һәм башка авыл хуҗалыгы продукциясе дә күп иде.
Хөрмәтле гүзәл затларыбыз! Кадерле хезмәттәшләр!
Татарстан Республикасы Дәүләт алкоголь инспекциясенең ир-атлар коллективы исеменнән һәм шәхсән үз исемемнән сезне Халыкара хатын-кызлар көне белән котлыйм! Сезнең матур елмаюларыгыз соры көннәрне яктырта, бизи. Бездә иң матур, иң зирәк, иң оптимистик хатын-кызлар эшләве белән горурланабыз.
Бәхетле, сәламәт һәм һәрвакыт яшь булып калуыгызны телибез! Эштә дә, тормышта да кыенлыклар мөмкин кадәр азрак булсын иде!
Ихтирам белән, Татарстан Республикасы Дәүләт алкоголь инспекциясе җитәкчесе Җәүдәт Әхмәтханов.
Планетаның пластик калдыклар белән пычрануы катастрофик масштабларга ия. Пластик чүп-чар күбесенчә кешенең җитештерү һәм хуҗалык-көнкүреш эшчәнлеге нәтиҗәсендә барлыкка килә. Чүп-чарның төп өлеше - өлешчә таркала торган төрү материаллары һәм целлофан пакетлар, ул полимерлар җитештерү буенча дөнья күләменең өчтән бер өлешен тәшкил итә.
Татар шагыйре Габдулла Тукайның тууына 135 ел тулу уңаеннан, Казан территориаль органы хезмәткәрләренең балалары «татар шагыйре Г.Тукай әсәрләре буенча»дигән балалар рәсемнәре һәм кул эшләнмәләре конкурсында катнаштылар. Конкурсны Татарстан Республикасы Дәүләт алкоголь инспекциясе үткәрә.
Яз - елның матур вакыты. Аның килүен барысы да дулкынланып һәм ниндидер үзенчәлекле хис белән көтә, аны сүзләр белән генә тасвирлау кыен.
Нәкъ менә шушы матур ел фасылында - мәхәббәт, җылылык, яңа тормыш, чәчәкләр һәм үзгәрешләр вакытында без Халыкара хатын-кызлар көнен билгеләп үтәбез. Бу юкка гына түгел, хатын-кызлар гаҗәеп язгы сыйфатларга ия: аларда сафлык һәм наз, җылы кояш елмаюын, алда көтелгән язгы яшен гәүдәләндерә бит.
Татарстан Республикасы Дәүләт алкоголь инспекциясенең Казан территориаль органы хезмәткәрләре «Бөтендөнья кулланучылар хокукларын яклау көне» кысаларында «Магнит» кибете хезмәткәрләре өчен чара үткәрде.
Чара барышында кулланучылар хокукларын яклау өлкәсендә мөнәсәбәтләрне җайга салучы законнар һәм норматив актлар турында мәгълүмат бирелде: «Кулланучылар хокукларын яклау турында» 07.02.1992 ел, №2300-1 Россия Федерациясе Законының, Россия Федерациясе Хөкүмәтенең 15.08.1997 ел, №1025 карары белән расланган Россия Федерациясендә халыкка көнкүреш хезмәте күрсәтү кагыйдәләренең төп нигезләмәләре.
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре Яр Чаллы шәһәренең «15 нче балалар иҗаты Йорты»нда шөгыльләнүче балалар белән викторина оештырды. Викторинаның темасы: «Пластик материаллар белән пычрануга каршы көрәш». Очрашуның темасы очраклы гына сайланмады һәм ел саен 15 мартта билгеләп үтелә торган «Бөтендөнья кулланучылар хокукларын яклау көне»нә багышланган иде. Бәйрәм темасын Халыкара кулланучылар оешмалары федерациясе билгели, һәм бүгенге көндә «Пластик материаллар белән пычрануга каршы көрәш» темасы бик актуаль. Экология һәм әйләнә-тирәлекнең кешелек алдында торган күпсанлы проблемалары хәлне кискенләштерә, пычрануга каршы көрәш - глобаль проблема.
«2014-2025 елларга Татарстан Республикасында кулланучылар хокукларын яклауның комплекслы системасын үстерү» ярдәмче программасын тормышка ашыру кысаларында, «Яз. Мода һәм текстиль» күргәзмзсендә, 2021 елның 4 мартында Татарстан Республикасы Дәүләт алкоголь инспекциясенең Казан территориаль органы хезмәткәре тарафыннан «Кулланучылар хокукларын яклау турында закон» тематикасына багышланган консультация өстәле оештырылды.
Балтач муниципаль районының Балтач ш.т. б. ярминкәсендә һәр пәнҗешәмбе көнне Татарстан Республикасының җирле җитештерүчеләре продукциясе ярминкәсе уза. Ярминкәнең максаты - җирле продукция товарларын алга этәрү, шулай ук кече бизнеста катнашучыларга ярдәм итү. Ярминкәдә атна саен «Икмәк», «Закиров Р.М.» КФХ, «Җәмәгать туклануы» ҖБ, «Бәхет» ҖЧҖ, «Каймак» кибете, «Арча» ҖЧҖ үз продукциясен тәкъдим итәләр. Ит һәм казылык продукциясенең киң ассортиментын «Пестречинка» китерә.