ЯҢАЛЫКЛАР

ТР Дәүләт алкоголь инспекциясе җитәкчесе Җәүдәт Әхмәтханов ел дәвамында кулланучыларның хокукларын яклау өлкәсендә Татарстан Республикасы Дәүләт алкоголь инспекциясе эшчәнлеге турында язган һәм сөйләгән журналистлар арасында ел саен үткәрелә торган конкурста җиңүчеләрне бүләкләде.  

Бүләкләү тантанасында «Татмедиа» республика матбугат һәм массакүләм коммуникацияләр агентлыгы җитәкчесе Айдар Сәлимгәрәев, Татарстан Республикасы Журналистлар берлеге рәисе урынбасары, КФУның милли һәм глобаль медиа кафедрасы мөдире, филология фәннәре докторы, профессор, Татарстан Республикасының атказанган фән эшлеклесе Васыйл Гарифуллин катнашты.

Кызыл уылдык Яңа ел табынының яраткан һәм затлы ризыгы санала. Тик аны сайлаганда яхшы һәм тәмле кызыл уылдыкны ничек сайларга дигән сорау тумаган кеше юктыр. Кайсы җитештерүченекенә өстенлек бирергә?

ТР Дәүләт алкоголь инспекциясенең Чаллы территориаль органы кызыл уылдык сайлауда 5 киңәшен тәкъдим итә

Кулланучыларның хокукларын яклау турында закон таләпләрен нәтиҗәле гамәлгә ашыру, товарлар, эшләр һәм хезмәтләр сатып алганда һәм алардан файдаланганда халыкның социаль яклану дәрәҗәсен арттыру, хокуклары бозылып, халыкның матди югалтуларын киметү максатларында, Күпфункцияле үзәк дәүләт бюджет учреждениесенең ТР Әтнә районы филиалында ТР Дәүләт алкоголь инспекциясенең Арча территориаль органы хезмәткәрләре кулланучыларның хокукларын яклау өлкәсендәге мәсьәләләр буенча халыкка консультацияләр бирде.

Россия Федерациясе Конституциясе 1993 елның 12 декабрендә бөтенхалык тавыш бирүендә кабул ителде һәм 1993 елның 25 декабрендә Россия Федерациясе Үзәк сайлау комиссиясе, тавышларны рәсми санаганнан соң, референдумны - уздырылган, ә Конституцияне кабул ителгән, дип таныгач үз көченә керде.

Россия Федерациясе Конституциясе дәүләт хакимиятенең югары органнары структурасын үзгәртте. Анда хакимиятләрне бүлү принцибы беркетелгән, Россиянең федератив төзелеше составы билгеләнгән. Документ гражданлык җәмгыяте үсеше иреген тәэмин итеп, милекнең барлык төрләрен бертигез дәрәҗәдә яклый.

Татарстан Республикасы Этил спирты, алкогольле продукция җитештерүгә, аларның әйләнешенә һәм сыйфатына дәүләт контролен  һәм кулланучылар хокукларын яклауны тәэмин итү буенча дәүләт инспекциясендә ТР Дәүләт алкоголь инспекциясе җитәкчесе Җәүдәт Әхмәтханов гражданнарны кабул итә.

11 декабрь көнне Баулы шәһәре Башкарма комитетында этил спирты һәм алкогольле продукциянең законсыз әйләнешен кисәтү һәм булдырмау, агымдагы елның унбер ае нәтиҗәләре буенча районның алкогольле продукция базары торышы турында район ведомствоара комиссиясенең чираттан тыш утырышы узды.

Татарстан Республикасы Дәүләт алкоголь инспекциясенең Яшел Үзән территориаль органы хезмәткәрләре, Россия Эчке эшләр министрлыгының Яшел Үзән районы буенча бүлегенең икътисадый иминлек һәм коррупциягә каршы көрәш бүлеге хезмәткәрләре катнашында, Яшел Үзән шәһәре базарында сәүдә палаткасыннан бал һәм каен суы нигезендә җитештерелгән 11 литрдан артык алкогольле продукцияне алды. Законсыз сәүдә оештырган эшмәкәрнең Татарстанга Воронеж өлкәсеннән килүе ачыкланды. Аның үз умартасы бар, умартачылык продуктлары, шулай ук төрле алкогольле продукция җитештерү һәм сату белән шөгыльләнә.

11 декабрьдә Казан шәһәре территориясендә Татарстан Республикасы Дәүләт алкоголь инспекциясенең бүлек башлыгы Павел Романов җитәкчелегендә муниципалитетара контроль бүлеге белгечләре федераль челтәрләрнең берсендә административ тикшерү кысаларында БДАМС системасында теркәмичә сыра эчемлекләрен ваклап сату фактын ачыклады. 50 литр күләмендә законсыз сыра алынды.

2019 елның 11 декабрендә ТР Дәүләт алкоголь инспекциясенең Казан территориаль органы башлыгы Марина Егорова Питрәч муниципаль районының Надеждино авылында халык белән очрашу үткәрде.

Халыкны кабул итү турында мәгълүмат җәмәгать урыннарындагы стендларга  белдерү урнаштыру юлы белән хәбәр ителде. Кабул итүгә авыл халкы да, авыл җирлеге территориясендә сәүдә эшчәнлеге алып баручы эшмәкәрләр дә килгән иде.

Инвалидлар декадасында Чаллы территориаль органының эчке базарны үстерү һәм координацияләү бүлеге хезмәткәрләре Чаллы шәһәренең “Изгелек” инвалидларны тернәкләндерү үзәгендә чара үткәрде. Мондый очрашулар күңелләрдә һәрвакыт онытылмас тәэсирләр һәм шатлык хисләре калдыра, чөнки бу кайгырту һәм ярдәмне тою мөмкинлеге.