ЯҢАЛЫКЛАР
ТР Дәүләт алкоголь инспекциясенең Чаллы территориаль органына кулланучы телевизорның гарантия ремонтына бәйле рәвештә консультация ярдәме күрсәтүне үтенеп мөрәҗәгать итте. Аны: "Гарантия ремонты вакытында башка телевизор бирелергә тиешме?" – дигән сорау кызыксындыра иде.
Эчке базарны үстерү һәм координацияләү бүлеге хезмәткәрләре ремонт вакытына шундый ук товар бирү турында гариза язарга булышты. Шулай ук кулланучыга гамәлдәге законнар нигезендә аның законлы хокуклары турында да аңлатылды.
Татарстан Республикасы Дәүләт алкоголь инспекциясенең Казан территориаль органы хезмәткәрләре "Халык контроле" дәүләт мәгълүмат системасына кергән мөрәҗәгатьне карап тикшерү кысаларында мөрәҗәгать итүче күрсәткән сәүдә ноктасына юнәлде.
Сәүдә объектында эшкуар тарафыннан документларсыз гына сыра һәм сыра эчемлекләренең сатылып ятуы турындагы беренчел мәгълүмат расланды. Тик, административ тикшерү барышында, контроль-инспекция бүлеге хезмәткәрләре хокук бозуларның хәттин күп булуын ачыклады
Ыгы-зыгы вакытында еш кына без товарны уйламыйчарак, ашыгып сатып алабыз. Әйтик, сәүдә үзәгенең бер бүлегендә сатып алучы үзенә туры килә торган кызыл күлмәк тапкан. Ләкин өенә кайтып, үзен көзгедән күргәч, туташ күлмәкнең үзенә килешмәгәнлеген аңлаган – артык җете булып чыккан. Туганнары да, тәнкыйть утына тотып, аның шикләрен таратып салган.
Өч көн узгач кулланучы күлмәкне кире кайтармакчы булган. Туташ мондый күлмәкнең башка төслесен сатып алырга теләве турында аңлаткан. Ләкин сатучы башка төстә шундый ук күлмәкнең булмавы турында әйткән, башка күлмәккә алмаштырып була һәм инде, туры килмәгәнлеген белгәч, шундук килергә кирәк иде, дип әйткән.
ТР Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге белгече сәүдә объектында семинар-уку үткәрде.
Семинар барышында Россия Федерациясе Хөкүмәтенең 1998 елның 19 гыйнварындагы 55 номерлы карары белән расланган Товарларның аерым төрләрен сату кагыйдәләре нигезендә, РФ Хөкүмәтенең 2007 елның 27 сентябрендәге 612 номерлы карары, шулай ук кулланучыларның хокукларын яклау турындагы закон нормалары турында аңлатмалар бирелде.
"Наз" халыкка социаль хезмәт күрсәтү комплекслы үзәге Балтач муниципаль районының Көшкетбаш авылында "Мобиль бригада" дигән чара уздырды. Татарстан Республикасы Дәүләт алкоголь инспекциясенең Арча территориаль органы белгече Гөлназ Шакирова, Россия Федерациясе Пенсия фонды һәм социаль иминият фонды белгечләре кулланучыларның хокукларын яклау өлкәсендәге темалар буенча әңгәмә корды.
Бүген ТР Дәүләт алкоголь инспекциясенең Арча территориаль органы башлыгы Булат Кадыйров һәм ТР Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Гөлназ Шакирова Балтач муниципаль районының Борбаш авылында алкогольле продукция сату һәм кулланучыларның хокукларын яклау мәсьәләләре буенча чираттагы мәртәбә урынга чыгып, халыкны кабул итте.
"Кибет ризыгы". Аның яхшымы яки начармы икәнлеген һәркем үзенчә хәл итә. Әлеге продукция сыйфатлы булган очракта, әлеге карарның уңай яклары ачыктан-ачык күренә башлый. Бөгелмә шәһәренең "Новинка" аш-су челтәре хезмәткәрләре үзләре әзерләгән ризыкларны җитештергәндә бу хәлнең мөмкин булуы турында инде ун елдан артык раслап килә.
Челтәр продукциясе инде шәһәрнең визит карточкасына әверелгән. Биредәге чәк-чәк, торт, бавырсак, пәһләвә, төрле эчлекле камыр ризыклары, десертлар, пилмән, мантый, салатлар вегетариан продукциясе һәм "дөрес туклану" ризыклары белән уңышлы төрләндерелгән.
ТР Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге белгече Татарстан Республикасы Әтнә муниципаль районы Олы Әтнә авылында урнашкан сәүдә ноктасында сатучы һәм эшкуар өчен өйрәнү семинарын үткәрде. Чарада хезмәткәр РФ Хөкүмәтенең 1998 елның 19 гыйнварындагы 55 номерлы карары белән расланган Товарларның аерым төрләрен сату кагыйдәләре, "Кулланучыларның хокукларын яклау турында"гы РФ Законы белән таныштырды.
2019 елның декабре өчен спирт һәм алкогольле продукция җитештерү һәм әйләнеше күләмнәре турында мәгълүматлар кабул итү 2020 елның 1 гыйнварыннан алып 15 гыйнварына кадәр автомат рәвештә гамәлгә ашырылачак.
Татарстан Республикасы Дәүләт алкоголь инспекциясенең Казан территориаль органы халык арасында "Балалар өчен боз чанасы сайлау" темасына анкета үткәрде.
Сораштыруда 130 кеше катнашты.
"Сез балаларыгыз белән боздан ясалган тауларга йөрисезме?" – дигән сорауга җавап бирүчеләрнең күпчелеге (83%ы) уңай җавап бирде, 17%ы боз тауларына йөрми икән.