ЯҢАЛЫКЛАР
2019 елның 4 апрелендә Саба муниципаль районының Сатыш авыл җирлегендә яшәүчеләр өчен Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров һәм Татарстан Республикасы Дәүләт алкоголь инспекциясенең Арча территориаль органы контроль-инспекция бүлеге консультанты Азат Хәлилов гражданнарны урынга чыгып кабул итте. Чара кысаларында авыл халкы төрле хәлләр турында фикер алышуда катнашты. Авылда яшәүчеләрне кулланучының төп хокуклары һәм кулланучылар базарындагы хокук бозуларга бәйле рәвештә барлыкка килгән проблемаларны хәл итү тәртибе белән таныштырдылар. Шулай ук РФ Хөкүмәтенең 1998 елның 19 гыйнварындагы 55 номерлы карары белән расланган Товарларның аерым төрләрен сату кагыйдәләре турында да аңлатылды.
2019 елның 5 апрелендә муниципальара оператив контроль бүлеге һәм ТР Дәүләт алкоголь инспекциясенең Казан территориаль органы хезмәткәрләре тарафыннан эре сыра партиясе әйләнештән алынды. Казан шәһәрендәге хуҗалык итүче субъектның ваклап-күмәртәләп сату базарларының берсендә документларсыз, БДАМС системасында теркәтмичә сыра һәм сыра продукциясен сату фактлары ачыкланды. Тартып алынган продукциянең күләме 4839 литр тәшкил итә. Сыраның һәм сыра продукциясенең әлеге легаль булмаган әйләнеше турында хәбәр "Халык контроле" мәгълүмат системасы аша килде.
Теләче районының Алан авылында урынга чыгып гражданнар кабул ителде. Татарстан Республикасы Дәүләт алкоголь инспекциясенең территориаль органы башлыгы Булат Кадыйров һәм Татарстан Республикасы Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Рәфинә Галиәхмәтова халыкта мөстәкыйль һәм грамоталы тотыш күнекмәләрен формалаштыру, кулланучылар базары өлкәсендәге законнар буенча халыкның мәгълүматлы булу дәрәҗәсен арттыру мәсьәләләре буенча чара уздырды. Сорауларның күпчелеге сыйфатсыз товарлар сатып алуга һәм хезмәтләр күрсәтүгә бәйле иде. Теге яки бу мәсьәләләрдә иң яхшысы кемгә мөрәҗәгать итәргә, барлыкка килгән хәлдә нинди карар кабул итәргә кирәклеге турында кызыксынды. Барлык сорауларга да Татарстан Республикасы Дәүләт алкоголь инспекциясе компетенциясе буенча тулы җаваплар бирелде. Чара барышында буклетлар, кулланучылар өчен белешмәлекләр һәм файдалы киңәшләр урнаштырылган "Вестник потребителя" газетасының чираттагы номеры тапшырылды.
2019 елның 4 апрелендә ТР Арча муниципаль районының Утар Аты авыл җирлегендә кулланучыларның хокукларын яклау һәм алкоголь продукциясен сату мәсьәләләре буенча урынга чыгып гражданнар кабул ителде. Кабул итүне ТР Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина алып барды. Чарада авылда яшәүчеләр һәм авыл җирлегендә эшләүчеләр катнашты.
Кабул итү барышында 8 кешегә консультация бирелде. Халык үзләрен кызыксындырган сорауларны яудырды: сыйфатсыз товар сатып алынган очракта нишләргә, таләпләр белдерүнең, техник катлаулы товарларга экспертиза һәм диагностика уздыру срогы нинди, бәялектәге хак кассадагы бәягә туры килмәгән очракта нишләргә? Алкогольле продукция сату өлкәсенә кагылышлы сораулар да яңгырады. Аралашу барышында суд тәҗрибәсеннән мисаллар китерелде. "Халык контроле" электрон системасы турында мәгълүмат бирелде.
Арча территориаль органы хезмәткәрләре гражданнарны мондый чараларда активрак катнашырга, компетентлы белгечләрдән түләүсез консультацияләр алырга, үзләренең юридик белемле булу дәрәҗәсен арттырырга чакыра.
2019 елның 3 апрелендә Кукмара районының Чарлы авылында ТР Дәүләт алкоголь инспекциясенең Арча территориаль органы башлыгы Булат Кадыйров һәм ТР Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Илшат Бәдертдинов катнашында алкоголь продукциясен сату һәм кулланучыларның хокукларын яклау мәсьәләләре буенча урынга чыгып гражданнар кабул ителде. Шушында ук сәүдә объектларында сатучы, Чарлы авылы территориясендә эшчәнлек башкаручы хезмәткәрләр өчен семинар да уздырылды.
Чара барышында сәүдә өлкәсенә кагылышлы мәсьәләләр турында сүз барды, ә атап әйткәндә: сыйфатсыз товарлар сату һәм төрле хәлләрдә аларны хәл итү юллары хакында фикер алышынды. "Кулланучыларның хокукларын яклау турында" 1992 елның 7 февралендәге 2300-1 номерлы Россия Федерациясе Законы нигезләмәләре, Россия Федерациясе Хөкүмәтенең 1998 елның 19 гыйнварындагы 55 номерлы карары белән расланган Товарларның аерым төрләрен сату кагыйдәләре турында аңлатылды. Очрашу азагында мәгълүмат буклетлары һәм "Вестник потребителя Татарстана" газетасы бирелде.
Дәүләт Думасы этил спиртын җитештерүгә һәм әйләнештә йөртүгә дәүләт монополиясе турындагы закон проектын беренче укылышта кире какты. Документның инициаторлары булып КПРФ фракциясе рәисе Геннадий Зюганов җитәкчелегендәге фракция депутатлары төркеме чыгыш ясаган.
Закон проектында 2020 елның 1 гыйнварыннан Россия территориясендә этил спиртын һәм (яки) этил спиртын кулланып җитештерелә торган алкоголь продукциясен (аракы) җитештерүгә һәм әйләнештә йөртүгә дәүләт монополиясен кертергә тәкъдим ителә.
Элегрәк Икътисадый сәясәт, сәнәгать, инновацияле үсеш һәм эшкуарлык комитеты әлеге закон проектын кабул итүгә каршы чыккан. Комитет бәяләмәсендә күрсәтелгәнчә, дәүләт монополиясен кертү этил спиртын, алкогольле һәм спирткатнашмалы продукцияне легаль булмаган рәвештә җиткерүне һәм әйләнештә йөртүне чикләүдә тулы гарантия була алмый.
"Халыкара тәҗрибәгә ясалган анализ күрсәткәнчә, этил спиртын һәм алкоголь продукциясен җитештерүгә һәм әйләнештә йөртүгә дәүләт монополиясе сәламәтлек саклауга һәм социаль сәясәткә юнәлдерелгән, төрле илләрдә бар, ләкин алкоголь базарын аеруча нәтиҗәле көйләү ысуллары катгый дәүләт көйләвенә, рекламага, сату вакытына, сәүдә объектларының күләмен һәм аларны урнаштыру урыннарын билгеләүгә кагылышлы чикләмәләргә бәйле", – диелә бәяләмә текстында.
Закон проекты хакында
Документ "Росспиртпром" ААҖ базасында Россиякүләм оешма оештыруны күздә тоткан, аның составына территориаль филиаллар хокукында тиешле җитештерүне гамәлгә ашыручы оешмалар керә. Мондый оешмаларның объектлары (мөлкәт комплекслары), әгәр аларның устав фондында дәүләтнең өлеше 50% ким булса, алга таба дәүләт өлешен 100% кадәр җиткереп, федераль мөлкәткә тапшырылырга тиеш.
"Этил спиртын һәм алкоголь продукциясен (аракы) җитештерүгә һәм әйләнештә йөртүгә дәүләт монополиясен кертү, БДАМС – этил спиртын һәм алкоголь продукциясен җитештерүне һәм әйләнештә йөртүне исәпкә алу системасын кертү белән берлектә, һәр сәүдә кибетендә аның әйләнешен автомат рәвештә исәпкә алуны да кертеп, һичсүзсез, легаль булмаган һәм сыйфатсыз алкогольле һәм спирткатнашмалы продукция чыгаруны киметергә һәм елына 400-500 млрд сум күләмендә федераль бюджетка өстәмә керемнәрне мобильләштерергә булышачак", – дигән фикердә закон проекты авторлары.
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге әйдәп баручы белгеч-эксперты Казан шәһәренең "Юность" мәдәният йортында "Жизнелюб" клубы әгъзалары белән чираттагы очрашуда катнашты. Очрашу вакытында "Кулланучыларның хокукларын яклау турында" 1992 елның 7 февралендәге 2300-1 номерлы Россия Федерациясе Законының төп нигезләмәләре, Россия Федерациясе Хөкүмәтенең 1998 елның 19 гыйнварындагы 55 номерлы карары белән расланган Товарларның аерым төрләрен сату кагыйдәләре, шулай ук Россия Федерациясе Хөкүмәтенең 1997 елның 15 августындагы 1025 номерлы карары белән расланган Көнкүреш хезмәтләрен күрсәтү кагыйдәләре турында аңлатып узылды. Үзенең чыгышында белгеч Татарстан Республикасы Дәүләт алкоголь инспекциясенең эшчәнлеге турында, кулланучыларның хокукларын яклау өлкәсендәге ведомстволарның вәкаләтләре турында сөйләде. Сыйфатсыз товарлар сатып алуга, төрле хезмәтләр күрсәтелгәндә һәм эшләр башкарылганда җитешсезлекләрне ачыклауга бәйле мәсьәләләр килеп туган очракта Казан территориаль органына мөрәҗәгать итәргә киңәш ителде, биредәге белгечләр һәрвакытта да проблемалы мәсьәләләрне хәл итүдә булышлык күрсәтергә әзер. Очрашуда катнашучыларга кулланучыларның хокукларын яклау өлкәсендәге мәсьәләләрне хәл итү турында мәгълүмат белән басма продукция таратылды.
2019 елның 2 апрелендә Питрәч районында ведомствоара комиссиянең чираттагы утырышы узды. Утырыш эшендә ТР Дәүләт алкоголь инспекциясенең Казан территориаль идарәсе башлыгы Марина Егорова катнашты. Белгечләр ике айдагы эшчәнлек йомгаклары буенча Питрәч районының алкоголь базарындагы торышны тикшерде. Хәзерге вакытта язгы-җәйге чорга әзерлеккә зур игътибар бирелә: тикшерүдә тотучы органнарга, стационар булмаган сәүдә объектларында алкоголь продукциясен сату фактларын булдырмый калу өчен, иң беренче чиратта бакчачылык ширкәтләренә булган контрольне көчәйтергә киңәш ителде.
Татарстан Республикасы Дәүләт алкоголь инспекциясенең Арча территориаль органы белгечләре тарафыннан Балтач муниципаль районының "Балтач урта гомуми белем бирү мәктәбе" МБМ учреждениесендә кулланучы белемнәре нигезләре буенча сыйныфтан тыш дәрес уздырылды. Укучылар белән, уен эшчәнлеге элементларын кулланып, кулланучыларны агарту белемнәренә һәм сыйфат проблемаларына багышланган кызыклы әңгәмә уздырылды. Мәгълүматларны тыңлаганнан соң икенче сыйныфта укучы балалар төп төшенчәләрне үзләштерде: кем ул сатучы, кулланучы, базар, товар, дефект? Балалар сораулар яудырды, проблемаларны хәл итүнең ихтимал чишелеш юллары белән кызыксынды. Әлеге очрашуның максаты укучыларны Россия дәүләтендә кулланучының хокукый статусы белән таныштыру, грамоталы кулланучы тәрбияләү, көндәлек тормышта ни рәвешле якланырга кирәклеген һәм кулланучының законлы мәнфәгатьләрен, шулай ук сатучыларның хокукларын һәм законлы мәнфәгатьләрен күрсәтүдән; әлеге өлкәдә үз хокукларыңны яклау буенча элементар белемнәр һәм низагларны хәл итү юлларын законлы юл белән эзләү күнекмәләрен формалаштырудан, укучыларны товарлар базарында үз-үзен белемле итеп тотарга өйрәтүдән гыйбарәт. Чаралар барышында "Чебен-Чебенчек" (К.Чуковский), "Алтын балык" (А.С.Пушкин), "Робинзон Крузо" (Д.Дефо) әкиятләрендәге геройлар ярдәмгә килде. Дәрес тәмамланганнан соң, кулланучыларның хокукларын яклау өлкәсендәге белемнәрне киңәйтү өчен, чарада катнашучыларга кулланучылар өчен белешмәлекләр һәм файдалы мәгълүмат тупланган "Вестник потребителя Татарстана" газетасы таратылды.
2019 елның 2 апрелендә муниципальара оператив контроль бүлеге һәм ТР Дәүләт алкоголь инспекциясенең Казан территориаль органы хезмәткәрләре тарафыннан эре сыра партиясе әйләнештән алынды. Казан шәһәренең Идел буе районындагы объектларның берсендә берьюлы ике хуҗалык итүче субъектта документларсыз, БДАМС системасында теркәтмичә сыра һәм сыра продукциясен сату фактлары ачыкланды. Тартып алынган продукциянең күләме 6700 литр тәшкил итә. Сыраның һәм сыра продукциясенең әлеге легаль булмаган әйләнеше турында хәбәр "Халык контроле" мәгълүмат системасы аша килгән.