ЯҢАЛЫКЛАР

21 сентябрьдә республикакүләм ярыш кысаларында "Милләтләр кроссы" дигән традицион һәм катнашучылар саны буенча масштаблы массакүләм спорт чарасы булып узды. 

Яңа уку елы башлану белән укучыларга хокукый мәгълүмат бирү эше яңартылды. 12 сентябрьдә Татарстан Республикасы Дәүләт алкоголь инспекциясенең Чистай территориаль органы һәм "Роспотребнадзор"ның Татарстан Республикасы буенча идарәсенең территориаль органы белгечләре 1 нче санлы Алексеевск урта мәктәбе укучылары өчен кулланучыларның хокукларын яклау, коррупциягә каршы көрәшү, экстремизмны, терроризмны, шәхескә, җәмгыятькә, дәүләткә каршы җинаятьләрне профилактикалау өлкәсендәге закон нормаларын аңлату буенча лекцияләр үткәрде.

ТР Дәүләт алкоголь инспекциясенең дүрт белгече "Татарстан Республикасының иң яхшы дәүләт граждан хезмәткәре" дигән республика конкурсының икенче этабына уңышлы үтте.

2019 елның 21 сентябрендә Татарстан Республикасы дәүләт хезмәткәрләре спартакиадасы кысаларында мини-футбол буенча ярышлар узды. ТР Дәүләт алкоголь инспекциясе командасы РФ Федераль казначылыкның ТР идарәсе һәм ТР Экология һәм табигать ресурслары министрлыгы командалары белән уйнады. 

2019 елның 19 сентябрендә Татарстан Республикасы Дәүләт алкоголь инспекциясенең Арча территориаль органында хезмәткәрләрне укыту булды. Дәреснең темасы: "Контроль-инспекция эшчәнлеген оештыру, теория һәм практика мәсьәләләре" дип атала иде, аны Татарстан Республикасы Дәүләт алкоголь инспекциясенең административ һәм суд практикасы бүлеге башлыгы урынбасары Ильяс Җамалетдинов уздырды.

2019 елның 21 сентябрендә Чаллы шәһәрендә "Милләтләр кроссы" дигән россиякүләм йөгерү көне кысаларында традицион ярышлар узды. Бу зур бәйрәм – спорт һәм күп кеше катнашында уза торган йөгереш бәйрәме. Анда, яше ничәдә булуына карамастан, теләге булган һәркем катнаша алды. Чаллы шәһәрендәге стартка мәктәпкәчә һәм белем бирү йортларыннан, гомуми белем бирү мәктәпләреннән, югары уку йортларыннан һәм хезмәт коллективларыннан 40 меңнән артык кеше чыкты.  Шәһәрдә милләтләр кроссы маршруты үзгәрешсез кала. Гадәттәгечә, җиңел атлетика йөгереше яр буе паркында һәм аның янәшәсендәге Чулман проспекты территориясендә узды.

Чаллы территориаль органының эчке базарны үстерү һәм координацияләү бүлеге белгечләре "Изгелек" инвалидларны тернәкләндерү үзәгендә ял итүчеләр белән чираттагы мәртәбә очрашу үткәрде. Чарада катнашучыларга "Кулланучыларның хокукларын яклау турында" РФ Законының төп статьялары, РФ Хөкүмәтенең 55 номерлы карары белән расланган Товарларның аерым төрләрен сату кагыйдәләрендәге турыдан-туры кулланучыларга кагыла торган бүлекләре, РФ Хөкүмәтенең "Техник яктан катлаулы товарлар исемлеген раслау турында" 2011 елның 10 ноябрендәге 924 номерлы карары турында аңлатылды.

Татарстан Республикасы Дәүләт алкоголь инспекциясенең Чистай территориаль органына Е. исемле гражданка күлмәк тегү турында шартнамә төзелгән ателье хезмәткәрләренең гамәлләренә шикаять белән мөрәҗәгать итте. Күлмәкне кулга алганнан соң ул анда җитешсезлекләр булуын күреп алган.

Бәхәсләрне кулланучыларның хокукларын яклау турындагы Закон белән җайга салу өлкәсенә керткәндә шунысын исәпкә алырга кирәк: товарга (эшкә, хезмәткә) заказ бирү яки аларны сатып алу нияте булган гражданин гына түгел, ә мондый мөнәсәбәтләр нәтиҗәсендә законлы нигездә сатып алынган (заказ бирелгән) товарлардан (эшләрдән, хезмәтләрдән) файдалана торган гражданин да (варис, шулай ук мирасны кабул итеп алучы зат һ.б.) йөкләмә якларының хокукларыннан файдалана.

Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге хезмәткәрләре, кулланучыларның киң даирәсе фикерен өйрәнү максатында, кизү торулар һәм башка чаралар вакытында Арча районы халкы арасында сораштыру үткәрде. Гражданнарга түбәндәге сорау белән мөрәҗәгать иттеләр