ЯҢАЛЫКЛАР
Баулы шәһәре полициясеннән «З» кибетен тикшерү турында хәбәр килде, анда шәхси эшмәкәрнең алкогольне законсыз сатуын ачыклаганнар. Төрле төрдәге 178 шешә алкоголь продукциясе табылды һәм тартып алынды. Товарның аны җитештерү һәм сату законлылыгын раслый торган кирәкле документлары булмаган. Мондый хокук бозу өчен РФ Административ хокук бозулар кодексының 14.19 маддәсе һәм 14.16 маддәсенең 2 өлеше нигезендә штрафлар каралган. Хәзер Әлмәт территориаль органы хезмәткәрләре эшкуарның документларын тикшерә.
Түбән Кама полициясеннән Түбән Кама территориаль органына бер эшмәкәр тарафыннан закон бозу турында мәгълүмат кергән. Эшмәкәр алкоголь саткан, ләкин бу хакта мәгълүматларны алкогольне исәпкә алуның махсус дәүләт системасына (БДАМС) кертмәгән.
Татарстан Республикасы Дәүләт алкоголь инспекциясенең Әлмәт территориаль органына Россия ЭЭМның Бөгелмә районы буенча идарәсенең Икътисади куркынычсызлык һәм коррупциягә каршы көрәш бүлегеннән физик затларның спиртлы продукцияне законсыз сатуын ачыклау факты буенча материал килде.
Алкоголь базарында хокук бозуларны булдырмауга юнәлдерелгән «Алкоголь» оператив-профилактик чарасын уздыру кысаларында «Ачык тикшерү сатып алуы» оператив-эзләү чарасы барышында Россия Эчке эшләр министрлыгының Зәй районы бүлеге хезмәткәрләре авыл кибетләренең берсендә спиртлы сыеклыкны законсыз сатуны ачыкладылар. Аңлатмадан күренгәнчә, сатучы үзе җитештергән алкоголь продукциясен шәхси эшмәкәр рөхсәтеннән башка саткан, көмешкә сатып, өстәмә керем алырга карар кылган.
Россия Эчке эшләр министрлыгының Әлмәт районы буенча ЭБ һәм ПК бүлеге хезмәткәрләре тарафыннан «С» кибетләрендә спиртлы продукцияне ваклап сату очраклары ачыкланды:
- йөз тиресен карау өчен «95 процентлы антибактериаль лосьон» составында этил спирты 75 процентка кадәр, һәркайсының сыйдырышлылыгы 100мл, 4х100мл җыелмасы өчен 125 сум 00 тиен.
РФ Эчке эшләр министрлыгының Зәй районы буенча бүлеге хезмәткәрләре тарафыннан 100 мл күләмендә ачык төстәге сыеклык тутырылган, 60 сумлык «спирт-этил 95» этикеткасы булган пыяла флаконны законсыз сату факты ачыкланды. Моннан тыш, бинаны тикшерү барышында сату өчен билгеләнгән товар үткәрү документлары булмаган, үтә күренмәле төстәге сыеклык белән 40 пыяла флаконнан торган спиртлы сыеклыклар табылган.
2023 елның 19 маенда Россия Эчке эшләр министрлыгының Яр Чаллы шәһәре буенча идарәсе БЭБ һәм ПК хезмәткәрләре тарафыннан Татарстан Республикасы Дәүләт алкоголь инспекциясе хезмәткәрләре ярдәмендә Яр Чаллы шәһәрендә яшәүче А. игътибарга алынды. Ул Тукай районының коммерцияле булмаган бакча ширкәтләрендә урнашкан кибетләргә, шулай ук Чаллы шәһәрендәге кибетләргә акциз маркалары булмаган көчле алкоголь куюны оештырган.
2021 елның 20 октябрендә Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре контроль чаралары барышында Яр Чаллы шәһәренең гараж кооперативында урнашкан кибеттә лицензиясез һәм товар-озату документларыннан башка гына хәмер сатуда булу факты ачыкланды. Барлыгы 88 литрдан артык алкогольле продукция законсыз әйләнештән алынды. Хокук бозучыга РФ КоАП 14.16 ст.1 ө., 14.16 ст.2 ө. буенча каралган административ җаваплылык яный.
Төнлә спиртлы эчемлекләр сатуны тыю җирле сәүдә челтәрләре тарафыннан еш бозыла. Законны бозучыларны, әйтик, «Халык контроле» дәүләт мәгълүмат системасы аша шикаять бирү юлы белән җаваплылыкка тартырга мөмкин. Зәй кибетләренең берсендә 22 сәгатьтән соң хәмер сатуга шикаять белән мөрәҗәгать итеп, ике гражданин әлеге системадан файдаланды.
- Йорт подвалында «фанфуриклар» сатыла - «Халык контроле» Дәүләт мәгълүмат системасына әнә шундый мөрәҗәгать килде.
Татарстан Республикасы Дәүләт алкоголь инспекциясенең Түбән Кама территориаль органы хезмәткәрләре Корабельная ур., 25 адресы буенча йөз биш шешә спирт тартып алды. Контроль чара барышында сатучы ярты сәгатькә якын оборона тота.