ЯҢАЛЫКЛАР
Лениногорск шәһәренең шәхси эшкуар тарафыннан көнкүреш химиясе товарлары сатыла торган кибетендә ТР Дәүләт алкоголь инспекциясенең Әлмәт территориаль органы белгеч-эксперты Алла Нуртдинова, Роспотребнадзорның Татарстан Республикасы буенча идарәсе вәкиле Ләйсән Морадымова белән берлектә, өлкәннәр һәм балалар өчен беренче чиратта кирәкле товарлар, көнкүреш химиясе һәм парфюмерия-косметика продукциясе сатуда махсуслашкан Лениногорск шәһәренең кече һәм урта бизнес вәкилләре белән очрашты.
Европа сыйфат атналыгы һәм Бөтендөнья сыйфат көне кысаларында ТР Дәүләт алкоголь инспекциясенең Түбән Кама территориаль органы хезмәткәре Лилия Гәрәева, Роспотребнадзорның ТР буенча идарәсенең Нурлат, Аксубай районнарындагы территориаль органы белгече Андрей Тимирясов белән берлектә, халык өчен дә, шулай ук "Пятерочка", "Магнит", "МТС" сәүдә челтәрләре, шәхси эшкуар В.А.Леннинг, шәхси эшкуар В.Л.Охотников вәкилләре өчен дә консультацияләр характерындагы төрле чараларны үткәрде.
Россия Федерациясендә кулланучы хокуклары норматив-хокукый актлар, барыннан да элек "Кулланучыларның хокукларын яклау турында"гы РФ Законы белән яклана. Еш кына гражданинга кулланучы буларак аның хокукларына кагылышлы күп санлы нормаларны һәм кагыйдәләрне аңлавы кыен. "Кулланучыларның хокукларын яклау турында" 1995 елның 5 декабрендәге федераль закон нигезендә, җитештерүче озак файдаланудагы товарлар буенча аларның хезмәт итү срогын билгеләргә тиеш, ә азык-төлек продуктлары, парфюмерия товарлары, медикаментлар, көнкүреш химиясе өчен яраклылык вакыты билгеләнә. Бу ике күрсәткеч кулланучының гомере, сәламәтлеге һәм милеге өчен куркыныч тудырган яки билгеләнеше буенча файдалану өчен яраксызга әйләнгән срокларны билгели.
Татарстан Республикасы Дәүләт алкоголь инспекциясенең Әлмәт территориаль органы әйдәп баручы белгеч-эксперты Алла Нуртдинова, Лениногорск муниципаль берәмлеге Башкарма комитетының икътисад бүлеге әйдәп баручы белгече Айгөл Әхмәтова белән берлектә, Лениногорск районының Тукай урамы буенча 7 нче йорт адресында урнашкан "Татарстан Республикасының күпфункцияле үзәге" ДБУ кизү торды.
Сыйфат атналыгын үткәрү кысаларында Татарстан Республикасы Дәүләт алкоголь инспекциясенең Арча территориаль органы белгече Гөлназ Шакирова, Роспотребнадзорның Татарстан Республикасы буенча идарәсенең Арча, Биектау районнарындагы территориаль бүлекчәсе хезмәткәре белән берлектә, Балтач районы Күпфункцияле үзәк дәүләт бюджет учреждениесе филиалында "Кулланучыларның хокукларын яклау турында" РФ законын аңлату максатыннан чара үткәрде. Чараның төп максаты – халыкны грамоталылыкка өйрәтү.
Татарстан Республикасы Дәүләт алкоголь инспекциясе Әлмәт территориаль органының әйдәп баручы белгече Лилия Степанова, "Татарстан Республикасында Гигиена һәм эпидемиология үзәге" федераль бюджет сәламәтлек саклау учреждениесенең Бөгелмә, Азнакай, Баулы районнарындагы филиалының гомуми гигиена буенча табиб ярдәмчесе Надежда Аллегонова белән берлектә, Бөгелмә шәһәренең Совет урамы буенча 84 нче йорт адресында урнашкан "Салават күпере" ("Радуга") социаль ярдәм үзәге" автоном коммерция оешмасына килеп йөрүче инвалидлар өчен кулланучыларның хокукларын яклау буенча лекция уздырды.
"Сыйфат атналыгы" кысаларында Спас районы кибетләренең берсендә он һәм кондитер әйберләреннән күргәзмә-презентация үткәрелде. Кулланучыларга 18 төрдән артык камыр ризыгы тәкъдим ителде. Презентациягә тәкъдим ителгән барлык продукция шәхси кулинария цехында җитештерелә. Дегустация вакытында кулланучылар тәкъдим ителгән продукция, аның куллану үзенчәлекләре турында тулы мәгълүмат алды, шулай ук тәкъдим ителгән үрнәкләрдән авыз итү мөмкинлегенә дә ия булды. Кулланучылар барлык продукцияне максималь баллар буенча бәяләде, бигрәк тә кондитер әйберләре ошады.
2019 елның 14нче ноябрендә узган "Сыйфат көне"ндә Татарстан Республикасы Дәүләт алкоголь инспекциясенең Арча территориаль органы җитәкчесе Булат Кадыйров, Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина Арча муниципаль районының Яңа Кишет авыл җирлегендә кулланучыларның хокукларын яклау һәм алкогольле продукцияне сату өлкәсендәге мәсьәләләр буенча гражданнарны урынга чыгып кабул итте. Кабул итүдә авыл җирлеге башлыгы Т.А.Арсланов катнашты. Очрашу барышында авыл халкына кулланучы буларак хокуклары бозылганда үз-үзләрен яклау буенча киңәшләр бирелде, Сыйфат көненең барлыкка килү тарихы турында сөйләнде.
Бөтендөнья сыйфат көненә багышланган чаралар комплексын үткәрү кысаларында, 14 нче ноябрьдә, Татарстан Республикасы Дәүләт алкоголь инспекциясенең Чаллы территориаль органы хезмәткәрләре, Алабуга муниципаль районы Башкарма комитеты белән берлектә, җирле товар җитештерүчеләр: "Елабужский пищекомбинат" ЯАҖ, "Алабуга ит-консерв комбинаты" АҖ һәм "Алабуга сөте" ААҖ продукциясеннән оештырылган күргәзмә-презентациядә катнашты.
2018 елның 14нче ноябре – Бөтендөнья сыйфат көнен бәйрәм итү көнендә Татарстан Республикасы Дәүләт алкоголь инспекциясенең Әлмәт территориаль органы эчке базарны үстерү һәм координацияләү бүлеге белгечләре Лилия Җәләтова, Ольга Шәфыйкова, Роспотребнадзорның ТР буенча идарәсенең Әлмәт, Зәй, Лениногорск, Бөгелмә районнарындагы территориаль бүлегенең баш белгече Александр Зверев, шулай ук "Татарстан Республикасында Гигиена һәм эпидемиология үзәге" федераль бюджет сәламәтлек саклау учреждениесенең Әлмәт, Зәй, Лениногорск районнарындагы филиалы юристы Лилия Мөхәммәтдинова белән берлектә, хуҗалык итүче субъектлар, шулай ук Әлмәт шәһәрендәге зур "Западный" сәүдә үзәгендәге кулланучылар өчен чаралар уздырылды.