ЯҢАЛЫКЛАР
Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге белгечләре Европа сыйфат атнасы һәм Бөтендөнья сыйфат көне кысаларында Яңа Чишмә авылында яшәүчеләр белән очрашулар оештырды. Очрашу барышында гражданнарга Татарстан Республикасы Дәүләт алкоголь инспекциясе компетенциясе кысаларында консультацияләр бирелде. Моннан тыш, сәүдә комплексында дежурлык оештырылды; КФҮ ДБУда консультация өстәле оештырылды; Башкарма комитет белгечләре катнашында хуҗалык итүче субъектлар өчен семинар-укулар үткәрделәр.
2020 елның 10 ноябрендә, «Сыйфат атнасы» кысаларында, Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Ләйсән Абдуллина Татарстан Республикасы Арча районы Урта Корса урта гомуми белем бирү мәктәбенең 8-9 сыйныф укучылары өчен класстан тыш дәрес үткәрде.
Казан территориаль органы хезмәткәрләре «Бөтендөнья сыйфат атнасы» кысаларында кулланучыларның, шулай ук хуҗалык итүче субъектларның да кулланучылар белемен арттыру эшен дәвам итә.
Шулай итеп, 9 ноябрьдә эчке базарны үстерү һәм координацияләү бүлеге хезмәткәрләре Казан шәһәре, Карбышев ур., 40 адресы буенча урнашкан «Русалко» кибете хезмәткәрләре өчен чаралар үткәрде.
Ел саен ноябрьнең икенче атнасы барлык илләрдә Бөтендөнья сыйфат атнасы буларак, ноябрьнең икенче пәнҗешәмбесе — Халыкара сыйфат көне буларак билгеләп үтелә. 2020 елда бу дата 12 ноябрьгә туры килә. Һәр ел саен әлеге чара билгеле бер темага багышлана. Быел бәйрәмнең девизы «Кулланучылар кыйммәтен булдыру».
Татарстан Республикасы Дәүләт алкоголь инспекциясенең Казан территориаль органы хезмәткәрләре «Кулланучылар кыйммәтен булдыру» девизы астында уза торган Бөтендөнья сыйфат атнасы кысаларында Казан шәһәре, Пионерская ур., 9а адресы буенча урнашкан «Анчар» ҖЧҖ базары территориясендә кизү тору үткәрде.
Татарстан Республикасы Дәүләт алкоголь инспекциясенең Казан территориаль органы хезмәткәре «Тандер» АҖ кибете территориясендә дежурлык үткәрде.
Әлеге чара быел «Кулланучылар кыйммәтен булдыру» девизы астында уза торган Бөтендөнья сыйфат атналыгына багышланган.
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәре «Уңыш» ТК ҖЧҖ территориясендә (Казан ш., Вересаев ур., 1А йорты) кизү тору үткәрде.
Сыйфат атналыгын үткәрү кысаларында ТР Дәүләт алкоголь инспекциясенең Чаллы территориаль органы әйдәп баручы белгеч-эксперты Р.Д.Яппарова Әгерҗе районының Сарсак-Омга, Кырынды, Көчек авыл җирлекләре сәүдә объектларында сатучылар һәм сатып алучылар өчен очрашулар үткәрде.
"Сыйфат атналыгы" кысаларында, кулланучыларның хокукларын яклау һәм кулланучылар базарында хокук бозуларны кисәтү мәсьәләләрендә белем дәрәҗәсен күтәрү һәм хокук бозуларны кисәтү максатыннан чыгып, ТР Дәүләт алкоголь инспекциясенең Әлмәт территориаль органы контроль-инспекция бүлегенең әйдәп баручы белгеч-эксперты Кадрия Галиева, Роспотребнадзорның Бөгелмә, Азнакай, Баулы районнарындагы территориаль бүлегенең баш белгече Галина Алатырева, икътисад һәм территориаль үсеш бүлегенең әйдәп баручы белгече Индира Низамова белән берлектә "Здравушка" сәламәт яшәү рәвеше клубы әгъзалары өчен очрашу үткәрде.
Сыйфат атналыгы кысаларында Нурлат шәһәренең күпфункцияле үзәгендә кулланучыларның хокукларын яклау өлкәсендәге законнарны аңлату мәсьәләләре буенча консультация өстәле эшләде. Чараны Татарстан Республикасы Дәүләт алкоголь инспекциясенең Чистай территориаль органы һәм Роспотребнадзорның Татарстан Республикасындагы идарәсе территориаль органы белгечләре оештырды һәм үткәрде.