ЯҢАЛЫКЛАР
Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре Яр Чаллы шәһәре, Беляев пр., 20 йорт адресы буенча урнашкан «Полина» сәүдә объектында «Халык контроле» дәүләт мәгълүмат системасына кергән мөрәҗәгатьне карау кысаларында, сыра һәм сыра продукциясен Россия Федерациясе законын бозып сату фактын ачыклады: продукция җитештерү һәм аның әйләнештә булуын раслаучы документлардан башка, БДАМСта теркәмичә сатылган, сатуда куллану вакыты чыккан продукция булган. 37,25 литр күләмендә сыра һәм сыра эчемлекләре легаль булмаган әйләнештән алынды.
2020 елның 10 ноябрендә Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре Яр Чаллы шәһәренең 47 комплексында урнашкан сәүдә объектында физик зат тарафыннан алкогольле продукцияне, аерым алганда сыра һәм сыра эчемлекләрен законсыз сату фактын ачыклады. 198,66 литр күләмендә сыра һәм сыра эчемлекләре легаль булмаган әйләнештән алынды.
Хокук бозучыга карата РФ КоАП 14.17.1 ст. 1 өлеше буенча административ эш кузгатылды.
Россия Эчке эшләр министрлыгының Яшел Үзән районы бүлегенең икътисади иминлек һәм коррупциягә каршы көрәш бүлеге хезмәткәрләре тарафыннан Татарстан Республикасы территориясендә Яшел Үзән районында яшәүче кешенең үзе җитештергән спиртлы продукция (көмешкә) сатуы турында мәгълүмат алынды.
2020 елның тугыз аенда Татарстан Республикасы Дәүләт алкоголь инспекциясенең Әлмәт территориаль органы белгечләре Әлмәт районы территориясендә алкогольле һәм спиртлы продукция әйләнеше өлкәсендә контрольлек итү буенча 155 чара үткәрде, аларның 122се Эчке эшләр министрлыгы бүлеге хезмәткәрләре белән берлектә башкарылды. 1529 литр күләмендә алкогольле һәм спиртлы продукция законсыз әйләнештән алынды.
Россия Эчке эшләр министрлыгының Азнакай районы буенча бүлегенең икътисадый иминлек һәм коррупциягә каршы көрәш бүлеге хезмәткәрләре, Татарстан Республикасы Дәүләт алкоголь инспекциясенең Әлмәт территориаль органы контроль-инспекция бүлеге хезмәткәрләре белән берлектә, 2020 елның 23 сентябрендә һәм 8 октябрендә алкогольле продукция әйләнеше өлкәсендә гамәлдәге законнарны бозу очракларын ачыклады. Азнакай районының Тымытык авылында һәм Югары Стәрле авылында урнашкан ике кибеттә уннан артык атамадагы сыраны озату документларыннан башка гына ваклап сату фактлары ачыкланды.