ЯҢАЛЫКЛАР
Татарстан Республикасы Дәүләт алкоголь инспекциясенең Казан территориаль органы начальнигы Марина Егорова Балык Бистәсе муниципаль районының Анатыш авыл җирлегендә гражданнарны күчмә кабул итү үткәрде.
Товарлар һәм сатучы турында сатып алучыларга нинди мәгълүмат тапшырылырга тиешлеге, сатыла торган товарларга бәяләр ничек рәсмиләштерелергә тиешлеге, товарларның билгеләнгән таләпләргә туры килү-килмәве, ышанычлы үлчәү җиһазларының нинди документлар белән раслануы турында сөйләштеләр.
Кулланучыларның күбесе үз тәҗрибәсендә инде кулланучылар хокукларын яклаучы законның барлыкка килүен яки закон нигезендә үз кулланучылар хокукларын яклау механизмын белү зарурлыгына инандылар.
2022 елның 18 гыйнварында Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Ләйсән Абдуллина Татарстан Республикасы Арча районы Наласа урта мәктәбе укучылары өчен кулланучылар хокукларын яклау өлкәсендә актуаль мәсьәләләр буенча «Кулланучылар хокукы сәгате» үткәрде.
Татарстан Республикасы Дәүләт алкоголь инспекциясе 2021 елның 4 кварталы өчен федераль форматта декларацияләр кабул итү сроклары турында искә төшерә. Декларацияләр 2022 елның 20 гыйнварыннан да соңга калмыйча тапшырылырга мөмкин. (http://fsrar.ru/Declaring/srok_predstavlenija_deklaracij)
Татарстан Республикасы Дәүләт алкоголь инспекциясенең Чистай территориаль органы белгечләре 2022 елның 14 гыйнварында «Гаилә» кибете хезмәткәрләре өчен кулланучылар хокукларын яклау турында законнарны аңлату буенча семинар - укулар оештырды.
2022 елның 13 гыйнварында Татарстан Республикасы Теләче муниципаль районының Баландыш авыл җирлегендә кулланучылар хокукларын яклау һәм алкогольле продукция сату өлкәсендәге мәсьәләләр буенча гражданнарны күчмә кабул итү оештырылды. Кабул итүне Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров һәм контроль-инспекция бүлегенең әйдәп баручы белгеч-эксперты Ирина Галимова алып барды.
Татарстан Республикасы Дәүләт алкоголь инспекциясенең Арча территориаль органына смартфон сатып алган һәм анда башка кеше исеменә сакланган аккаунтларны тапкан гражданин Н. мөрәҗәгате керде. Әлбәттә, ул гаҗәпкә калган. Өстәвенә, товардан файдалану процессында, беренче тапкыр сатып алганнан соң, анда җитешсезлек ачыкланган: сөйләшкәндә, шулай ук стандарт кушымталарга кергәндә, смартфон команданы үтәи һәм җавап бирми башлаган.
Россия Эчке эшләр министрлыгының Түбән Кама районы буенча бүлеге хезмәткәрләре авыл җирлекләренең берсендә урнашкан кибеттә алкогольле продукцияне (сыраны) ваклап сатуны оештырганда гамәлдәге закон таләпләрен үтәү буенча тикшерү үткәрде. Тикшерү барышында эшмәкәр товар-транспорт накладнойлары һәм сатучының сыраны БДАМСта исәпкә алмыйча гына алкогольле продукция (сыра) сатуын ачыклады. 300 литрдан артык 20 төрле сыра законсыз әйләнештән алынды.
Безнең һәрберебез ял иткәндә яки командировкада булганда, кунакханәдә кунып калырга яки берничә көнгә тукталырга мөмкинбез. Әмма мондый хезмәтләрдән файдаланучы һәркем дә бу өлкәдә үз хокукларын һәм бурычларын белеп бетрми. Иң мөһиме, хәзерге заман кунакханәләре һәм отельләренең горурлыгы - аларның «йолдызлыгы». Янәсе, йолдызлар күбрәк булган саен, аның статусы арта, димәк, күрсәтелә торган хезмәтләр бәясе дә артыграк була.
Татарстан Республикасы Дәүләт алкоголь инспекциясенең Арча территориаль органы хезмәткәрләре Балтач муниципаль районының Кече Лызи авылында алкогольле продукция сату, кулланучылар хокукларын яклау мәсьәләләре буенча гражданнарны күчмә кабул итү үткәрде.
2022 елның 12 гыйнварында Кукмара районының Олы Сәрдек авылында Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров һәм алкогольле продукцияне сату һәм кулланучылар хокукларын яклау өлкәсендә әйдәп баручы белгеч Илшат Бәдретдинов катнашында гражданнарны күчмә кабул итү булды. Шулай ук кулланучылар базары өлкәсендә хокук бозуларны кисәтү максатыннан, үз эшчәнлекләрен Олы Сәрдек авыл җирлеге территориясендә алып баручы сәүдә объектлары сатучылары өчен семинар үткәрелде.