ЯҢАЛЫКЛАР
Намуслылык, тугрылык һәм батырлык – бу мөһим кешелек сыйфатлары белән Россия Федерациясе Дәүләт флагы төсләре ассоциацияләнә.
Дәүләт флагы көнендә бөтен Россия буенча бәйрәм чаралары уза. Мөслимдә Мөслим урамнары буйлап велоузыш узды. Чарага төрле яшьтәге кешеләр күп килгән иде. Татарстан Республикасы Дәүләт алкоголь инспекциясенең Түбән Кама территориаль органы хезмәткәре Алинә Виноградова велоузышта катнашты. Мөслим халкын берләштерүче матур, күңелле бәйрәм булды.
Арча районы Апаз авыл китапханәсендә «Кулланучылар хокуклары»темасына китап күргәзмәсе-күзәтү үткәрелде. Анда кулланучылар базарында барлыкка килгән сорауларга, әйтик, сатучыларның (җитештерүчеләрнең, башкаручыларның) җаваплылыгына, товарларда җитешсезлекләр туганда кулланучылар таләпләрен үтәүгә кагылышлы сорауларга җаваплар табарга була.
Әтнә муниципаль районы Күбән авыл Советы бинасында Татарстан Республикасы Дәүләт алкоголь инспекциясе компетенциясенә керүче мәсьәләләр буенча гражданнарны кабул итү булды. Кабул итүне Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров үткәрде.
Татарстан Республикасы Дәүләт алкоголь инспекциясенең Чистай территориаль органы хезмәткәрләре, Роспотребнадзорның Татарстан Республикасы буенча Нурлат территориаль органы белгече белән берлектә, Татарстан Республикасы Нурлат районының Заречный бистәсендә урнашкан «Заречный» балалар сәламәтләндерү лагеренда ял итүчеләр белән очрашу үткәрде. Лагерь Зур Чирмешән елгасы буенда урман зонасының матур урыннарында урнашкан. Чарада 7 яшьтән 16 яшькә кадәрге алтмышлап бала катнашты.
Әлмәт шәһәрендә биш инвалидлар иҗтимагый оешмасы эшли: Әлмәт районы инвалидлар оешмасы, шәһәрнең начар ишетүчеләр җәмгыяте, сукырлар җәмгыяте, Әфганстандагы сугыш һәм башка локаль конфликтлар инвалидларының Татарстан Республика иҗтимагый оешмасының Әлмәт бүлекчәсе, «Союз «Чернобыль» инвалидлар республика иҗтимагый оешмасының Әлмәт районы бүлекчәсе.
Татарстан Республикасы Дәүләт алкоголь инспекциясенең Чистай территориаль органы начальнигы эчке базарны үстерү һәм координацияләү бүлеге консультанты катнашында Мөслим һәм Бахта авылларында яшәүчеләр белән очрашу үткәрде. Чараның максаты - кулланучылар хокукларын яклау турында законнарны аңлату. Шунда ук авыл җирлеге башкарма комитеты белгечләре өчен семинар-укулар да үткәрелде.
2022 елның 1 сентябреннән «Кулланучылар хокукларын яклау турында» 1992 елның 7 февралендәге 2300-I номерлы Россия Федерациясе Законының 16 статьясына (алга таба-Закон) үзгәрешләр үз көченә керә. Мондый шартлар кулланучылар хокукларын кысырыкларга һәм аларны килешүләрдә генә чикләргә тиеш түгел. Үзгәрешләр 01.05.2022 елдагы 135-ФЗ номерлы Федераль закон белән кертелде. Федераль закон кулланучылар хокукларын яклау дәрәҗәсен күтәрүгә юнәлдерелгән.
Ишегалдында август ае, тиздән 1 сентябрь. Мәктәпкә җыенырга вакыт җитте һәм, әлбәттә, мәктәп формасына сорау зур.
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре «Арзан» сәүдә үзәгенең «Мәктәп формасы» бүлегендә профилактик чара үткәрде, анда үз эшләрен яхшы белүчеләр мәктәп формасын сайлау буенча киңәшләр бирделәр.
2022 елның 16 августында Татарстан Республикасы Дәүләт алкоголь инспекциясенең Түбән Кама территориаль органында әйләнештән тартып алынган 478,189 литр күләмендә алкогольле һәм спиртлы продукция «Росспиртпром» АҖ вәкиленә тапшырылды. Бу продукция буенча судлар тарафыннан конфискацияләү турында карарлар кабул ителде.
Продукция Иваново өлкәсенең Гаврилово-Посадский районында юк ителәчәк.
Татарстан Республикасы Дәүләт алкоголь инспекциясенең Әлмәт территориаль органы хезмәткәрләре Татарстан Республикасының цифрлы трансформация планы нигезендә (https//kb.cdto.center) белем бирү платформасы һәм Stepik онлайн-курслары конструкторы базасында квалификацияне күтәрү программасы буенча ике юнәлеш буенча укуларны уңышлы узды. Уку юнәлешләре «Цифрлы үсеш чоры: цифрлы трансформация нигезләре» һәм «Цифрлы трансформация. Тиз старт» темасына багышланган иде.