ЯҢАЛЫКЛАР
ТР Дәүләт алкоголь инспекциясенең Казан территориаль органы интернет аша товарлар сатып алу мәсьәләләре буенча гражданнардан мөрәҗәгатьләрнең күбәеп китүе сәбәпле хәбәр итә:
Интернет-кибетләрдән товарлар сатып алу "Кулланучыларның хокукларын яклау турында" 1992 елның 7 февралендәге 2300-I номерлы РФ Законының (алга таба – Закон) 26.1 статьясы нигезендә җайга салына.
Нәрсә дә булса сатып алыр алдыннан игътибар белән кайтавазларны укып чыгарга кирәк. Өстәвенә, Сез сайлаган товар турында гына түгел, ә интернет-кибетнең үзе, җитештерүче турында да.
5 нче февральдән башлап Чаллы шәһәрендә "Ямьле кыш" дигән кызыклы товарлар ярминкәсе башланып китте. Ул Чаллы проспектының "Мегастрой" гипермаркеты янындагы павильонда ачылды. "Ямьле кыш" ярминкәсе – Россиянең төрле төбәкләреннән эшкуарлар китерә торган, бөтен гаилә өчен табигый продуктлар һәм оригиналь товарлар үзәге. Татарстан Республикасы Дәүләт алкоголь инспекциясенең Чаллы территориаль органы эчке базарны үстерү һәм координацияләү бүлеге белгечләре ярминкәгә барды, ярминкәдә катнашучылар белән очрашты, эшкуарлар һәм сатып алучылар белән әңгәмә корды.
Әлмәт территориаль органы хезмәткәрләре "Россия чаңгы юлы-2020" гаммәви чаңгы ярышларында катнашты. Барлык районнарда узган мавыктыргыч спорт чараларында иң көчле спортчылар да, шулай ук теләге булган һәркем: предприятиеләр, оешмалар һәм бюджет учреждениеләре хезмәткәрләре, урта махсус һәм югары уку йортлары укучылары, мәктәп укучылары катнашты. Татарстан Республикасы Дәүләт алкоголь инспекциясенең Әлмәт территориаль органы хезмәткәрләре ел саен, яраткан спорт төренә үзләренең гаилә әгъзаларын да җәлеп итеп, бик теләп катнаша.
Бүген "Россия чаңгы юлы-2020. Татарстан чаңгы юлы-2020" узышлары булды. Чараның максаты – спортны һәм сәламәт яшәү рәвешен популярлаштыру. Илдәге барлык чаңгычылар беренче тапкыр 1982 елда стартка чыккан һәм шул вакыттан бирле "Россия чаңгы юлы" һәвәскәр спортчылар өчен иң көтелгән спорт чарасы булып тора. Чарада катнашу өчен җенес, яшь, гражданлык буенча чикләүләр юк. Татарстан Республикасы Дәүләт алкоголь инспекциясе хезмәткәрләре дә әлеге чарада бик теләп катнашты.
2020 елның 8 февралендә Чаллы шәһәренең "Яр буе" паркында "Татарстан чаңгы юлы-2020" ярышлары старт алды. Быелгы узышлар ТАССРның 100 еллыгына, Бөек Ватан сугышында Җиңүнең 75 еллыгына һәм Чаллы халкына шәһәр статусы бирелүнең 90 еллыгына багышлана.
"Россия чаңгы юлы" ел саен үткәрелә, һәм ул кышкы зур бәйрәм чарасы булып тора. Әлеге ярышлар чаңгы спортын яратучыларның киң даирәсенә исәпләнгән. "Россия чаңгы юлы" бәйгесендә профессиональ чаңгычылар да, һәвәскәрләр дә яше ничәдә булуына карамыйча катнаша.
Һәр хатын-кыз кабатланмас, оригиналь, сөйкемле булырга тели һәм әйләнә-тирәдәгеләр өчен кызыклы булырга ярата. Билгеле булганча, дөрес сайланган бизәнү әйберләре, образны тулы һәм төгәлләнгән итеп, теләсә кайсы хатын-кызны үзгәртергә сәләтле.
Нәрсә соң ул бижутерия? Аны кире кайтарып буламы?
6 нчы февральдә Татарстан Республикасы Дәүләт алкоголь инспекциясенең Әлмәт территориаль органында "Татэкспертцентр" ДБУ җитәкчесе урынбасары Ю.И. Миюшкин катнашында киңәшмә узды.
Очрашу башында Татарстан Республикасы территориясендә алкоголь продукциясенең легаль булмаган әйләнешен кисәтү өлкәсендә файдалы һәм нәтиҗәле хезмәттәшлек өчен Әлмәт районы Башкарма комитетының икътисад буенча урынбасары Андрей Подоваловка Татарстан Республикасы Дәүләт алкоголь инспекциясенең Рәхмәт хаты тапшырылды.
Чаллы территориаль органының эчке базарны үстерү һәм координацияләү бүлеге хезмәткәрләре белән очрашулар 2020 елда да дәвам итә.
Мамадыш шәһәренең халыкка социаль хезмәт күрсәтә торган "Забота" пансионатында бүлек хезмәткәрләре ял итүчеләр белән очрашу уздырды. "Кулланучыларның хокукларын яклау турында" РФ Законының төп статьяларына аңлатма бирү, РФ Хөкүмәтенең "Техник яктан катлаулы товарлар исемлеген раслау турында" 2011 елның 10 ноябрендәге 924 номерлы карары белән таныштыру ял итүчеләрне шулхәтле мавыктырды ки, әңгәмә дискуссиягә әйләнеп китте.
ТР Дәүләт алкоголь инспекциясенең Түбән Кама территориаль органы хезмәткәре Ләйсән Фокеева "Халыкның кулланучы белемнәрен арттыру" проекты кысаларында Түбән Каманың 11 нче урта мәктәбендә, Прости урта мәктәбендә, "Норма36" мәктәбендә булды. Укучылар "Көндәлек тормышта кулланучы белемнәреннән ничек файдаланырга?" дигән темага лекция тыңлады, белгечтән бик күп файдалы мәгълүмат алды, ул балаларга кулланучыларның хокукларын яклау өлкәсендәге мөнәсәбәтләрне җайга салучы норматив-хокукый актлар турында сөйләде, алар арасында "Кулланучыларның хокукларын яклау турында" РФ Законы һәм Россия Федерациясе Гражданлык кодексы төп нормалар булып тора. "Кулланучыларның хокукларын яклау турында" РФ Законында кулланучы эшкуарлык эшчәнлеген гамәлгә ашыруга бәйле булмаган шәхси, гаилә, йорт һәм башка ихтыяҗлар өчен генә товар (эш, хезмәт) сатып алырга яки заказ бирергә теләгән яки сатып алган, заказ биргән яисә әлеге товардан файдалана торган гражданин буларак билгеләмә ала. Россия Федерациясе Гражданлык кодексының 2 статьясы нигезендә, Россия гражданнары гына түгел, чит ил гражданнары һәм гражданлыгы булмаган затлар да кулланучы булып тора.