ЯҢАЛЫКЛАР

Январь башыннан   Татарстан дәүләт алкоголь инспекциясенең Казан территориаль органы хезмәткәрләре  алкоголь әйләнеше өлкәсендә  шактый гына   канун бозу очракларына тап булды.  Яңа ел бәйрәм яллары вакытында   башкаланың Совет районында  өч сатучыны балигъ булмаганнарга тәмәке һәм алкоголь сатканда   эләктерәләр.  Шулай ук Җиңү проспектындагы барда, Нариманов урамында урнашкан киоскта һәм Юдино бистәсендәге кафеда спиртлы эчемлекләр белән  лицензиясез һәм башка тиешле документларсыз сәүдә итүчеләр  ачыклана.

Төнлә алкоголь сатарга һәм салырга ярамый.   Бу хактагы   канунның үтәлешен башка контроль органнар белән бергә  Татарстанның Дәүләт алкоголь инспекциясе хезмәткәрләре  дә күзәтә. Әлеге максаттан аларга  көненә якынча 155ләп сәүдә ноктасын әйләнеп чыгарга туры килә.  Кичке сәгать уннан иртәнге унга кадәр алкоголь сатуны чикләү гамәлгә  кергән көннән алып, 10 көн эчендә, Дәүләт алкоголь инспекциясе хезмәткәрләре хокук сачылары белән бергәләп,  ярамаган вакытта алкоголь сатуның 24 очрагын ачыклады.  Шуларның бишесе Казанда теркәлгән, 4 очрак  Чаллы шәһәрендә, 7 очрак Әлмәттә. 

Өлкәннәр көне уңаеннан Татарстанның дәүләт алкоголь инспекциясендә кадерле кунакларны – озак еллар биредә эшләп, лаеклы ялга киткән ветераннарны – кабул иттеләр.  

Күп еллар дәвамында нәтиҗәле хезмәте, Татарстан Республикасы сәнәгате һәм икътисады үсешенә зур өлеш керткәне өчен “Республиканың  бәйсез экспертиза һәм кулланучы базарын күзәтү үзәге” җитәкчесе Казаков Алексей Николаевич Татарстан Президентының Рәхмәт хаты белән бүләкләнде.