ЯҢАЛЫКЛАР

2020 елның 25 нче февралендә Тәтеш муниципаль районы Башкарма комитеты җитәкчесе рәислегендә Алкогольле һәм спиртлы продукциянең законсыз әйләнешен ачыклау һәм чикләү буенча ведомствоара комиссиянең чираттагы утырышы булды. Утырышта Россия Эчке эшләр министрлыгының Тәтеш районы бүлеге башлыгы, авыл җирлекләре башлыклары, ТР Дәүләт алкоголь инспекциясе хезмәткәре, алкоголь базары вәкилләре һәм алкоголь продукциясен сатучы сәүдә объектлары җитәкчеләре катнашты.

2020 елның 25 нче февралендә Башкарма комитетта Кама Тамагы муниципаль районы башлыгы Н.А. Вазыйхов катнашында Кама Тамагы районы территориясендә Алкогольле һәм спиртлы продукциянең законсыз әйләнешен кисәтү һәм чикләү буенча ведомствоара комиссиянең чираттагы утырышы узды. Комиссия эшендә авыл җирлекләре башлыклары, Роспотребнадзорның ТР буенча Яшел Үзән районы һәм Яшел Үзән шәһәрендәге идарәсе, РФ Эчке эшләр министрлыгының "Верхнеуслонский" муниципальара бүлеге – "Кама Тамагы" полиция бүлеге вәкилләре, ТР Дәүләт алкоголь инспекциясенең Яшел Үзән территориаль органы әйдәп баручы белгеч-эксперты, шулай ук хуҗалык итүче субъектлар вәкилләре катнашты.

2020 елның 25 нче февралендә оешмаларның җитәкчеләре һәм авыл җирлекләре башлыклары белән Менделеевскида район башлыгы урынбасары Ләйсән Галиева рәислегендә узган киңәшмәдә җитәкче Гөлшат Вафина ТР Дәүләт алкоголь инспекциясенең Чаллы территориаль органының эшчәнлек нәтиҗәләре турында чыгыш ясады.

Кулланучыларның хокукларын яклау өлкәсендә гражданнарның аң-белем дәрәҗәсен арттыру кулланучыларга товарлар сату һәм хезмәтләр күрсәтү базарында үзләрен ышанычлы тоярга, сатып алганда һәм заказлар биргәндә игътибарлы булырга һәм әйберләрне җентеклерәк сайлап алырга булыша, "Кулланучыларның хокукларын яклау турында" Россия Федерациясе Законы нигезләмәләрен мөстәкыйль куллана белергә этәргеч ясый.

Арча шәһәре мәдәният йортында җирле товар җитештерүчеләр продукциясеннән күргәзмә узды. Күргәзмәнең төп максаты – район территориясендә җитештерелә торган продукцияне куллану базарына чыгару өчен шартлар тудыру, шулай ук предприятиеләр эшчәнлеген популярлаштыру, товар җитештерүчеләр һәм кулланучылар арасында турыдан-туры элемтә урнаштыру. 

Түбән Кама территориаль органында Дөньякүләм кулланучылар хокукларын яклау көне кысаларында мәгълүмат кампаниясе башланып китте. 22 нче февраль көнне Сарман муниципаль районының Җәлил бистәсендә Җиңүнең 30 еллыгы урамы, 10б адресы буенча урнашкан "Находка" кибетен ачу тантанасы булды, анда товарларның киң ассортименты: ярмалар, токмач ризыклары, консервлар, он, шикәр, үсемлек мае, кием-салым, көнкүреш химиясе һәм балалар товарлары, җиләк-җимеш һәм яшелчәләр тәкъдим ителгән. Әлеге көн биюләр, җырлар, текә бүләкләр уйнату, шоу-программа, дегустация, яхшы кәеф һ.б. белән үрелеп барды. 

Хөрмәтле хезмәттәшләр! Сезне 23 нче февраль белән котлыйм! Сезнең юлыгызда тормыш зирәклеге, нечкә шаянлык хисе, кыю гамәлләр һәм ихлас сердәшләр генә юлдаш булсын. Хезмәттәшләрегез өчен ышанычлы һәм уңышларга ирешүчән кешеләр, яхшы дуслар һәм үзенчәлекле шәхесләр булып калыгыз. Тормыштан ямь табып, яхшы гамәлләр кылып яшәгез, ярдәм сорап килүчеләргә каршы килмәгез. Гел теләп йөргән теләкләрегез тормышка ашсын! Тынычлык булсын, ә безнең команда, һичшиксез, муллыкка һәм казанышларга ирешер!

Татарстан Республикасы Дәүләт алкоголь инспекциясенең Чистай территориаль органына Россия Эчке эшләр министрлыгының Чистай районы бүлегеннән, карар кабул итү өчен, балигъ булмаганнарга алкогольле продукция сату факты буенча тикшерү материалы килде һәм, тиешле карар чыгару өчен, кабул ителде.   

Полиция хезмәткәрләре Чистай шәһәренең Тынычлык урамында урнашкан кибеттә балигъ булмаган затка һәрберсе 1,5 литр күләмендә ике шешә "MERRY TIME" сыра эчемлеген сату фактын билгеләгән. 

Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге һәм Роспотребнадзорның Татарстан Республикасы идарәсенең территориаль органы белгечләре Татарстан Республикасы Чистай муниципаль районының Александровка төп гомуми белем бирү мәктәбендә 9 сыйныф укучылары өчен кулланучы белеме нигезләре буенча сыйныфтан тыш дәрес үткәрде.  

Татарстан Республикасы Дәүләт алкоголь инспекциясенең Арча территориаль органы хезмәткәре, Дөньякүләм кулланучылар хокукларын яклау көне кысаларында, Роспотребнадзорның Татарстан Республикасы идарәсенең Саба, Мамадыш, Кукмара, Теләче районнарындагы территориаль органы белгече, Кукмара муниципаль районы Башкарма комитеты, "Наз" социаль ярдәм үзәге" коммерциясез автоном оешмасы хезмәткәре катнашында өлкән яшьтәге кешеләр белән очрашу үткәрде.