ЯҢАЛЫКЛАР
Менделеевск районы кибетләренең берсендә Чаллы территориаль органы белгечләре контрафактлы хәмер продукциясе сатылу фактын ачыклады. Австриядә җитештерелгән "Нефть" аракысы кибеттә тиешле документларсыз, акциз маркаларыннан башка гына, легаль булмаган рәвештә сатылып яткан.
Исегезгә төшерәбез, легаль "Нефть" аракысы элиталы алкоголь эчемлекләренә карый, берничә дөнья бүләкләренә һәм призларына ия.
Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге башлыгы һәм бүлек белгече 2020 елның 19 февралендә Яңа Чистай авыл җирлеге башкарма комитеты бинасында, кулланучыларның хокукларын яклау турындагы законнарны аңлату максатында, урынга чыгып гражданнарны кабул итте һәм семинар-уку үткәрде.
2020 елның 19 нчы февралендә Тукай муниципаль районында ТР Дәүләт алкоголь инспекциясе җитәкчесе урынбасары Фәннур Хәммәтов катнашында Чаллы территориаль органының йомгаклау киңәшмәсе булып узды.
Йомгаклау киңәшмәсе эшендә Тукай муниципаль районы Башкарма комитеты җитәкчесе Ленар Авзалов, Роспотребнадзорның ТР буенча идарәсе, Россия Эчке эшләр министрлыгының Тукай районы буенча бүлеге, "Алкоторг" ҖЧҖ, "Белый Кремль" АҖ вәкилләре, территориаль орган һәм Тукай муниципаль районы Башкарма комитеты хезмәткәрләре һ.б. катнашты.
Татарстан Республикасы Дәүләт алкоголь инспекциясенең Чистай территориаль органы белгечләре Татарстан Республикасы дәүләт һәм муниципаль хезмәтләр порталының "Халык контроле" дәүләт мәгълүмат системасына гражданиннан килгән мөрәҗәгать буенча уздырылган административ тикшерү кысаларында Нурлат шәһәрендә урнашкан шәхси эшкуарның "Малина" кафесына барып кайтты.
18 нче февральдә Сарман муниципаль районында Татарстан Республикасы Дәүләт алкоголь инспекциясенең административ һәм суд практикасы бүлеге башлыгы Борис Эйдинов һәм район башлыгы Фәрит Хөснуллин катнашында Алкогольле һәм спиртлы продукцияне законсыз җитештерүгә һәм әйләнештә йөртүгә каршы көрәш мәсьәләсе буенча ведомствоара комиссия утырышы узды.
Татарстан Республикасы Дәүләт алкоголь инспекциясенең Чистай территориаль органында хезмәткәрләр өчен семинар-уку булып узды. Укуны территориаль орган кураторы, ТР Дәүләт алкоголь инспекциясенең алкоголь продукциясе әйләнешенә контрольлек итү һәм кулланучылар базары торышын анализлау бүлеге башлыгы Ирина Камахина үткәрде.
Чара барышында 2019 ел нәтиҗәләре буенча территориаль органның ирешелгән эш нәтиҗәләре һәм рейтингы турында әйтелде. Контроль-инспекция эшчәнлегендә булган резервлар, ведомство карамагындагы районнарда, шул исәптән алкогольле продукцияне ваклап сату буенча җирле базарлардагы хәлне бәяләү күрсәткечләре буенча да, кулланучылар базарындагы хәлне яхшырту юллары билгеләнде. Хезмәткәрләр алдына торган төп бурыч – территориаль орган эшчәнлегенең барлык юнәлешләре буенча эш нәтиҗәлелеген арттыру.
Хәзерге вакытта товарларның һәм хезмәтләр күрсәтүнең сыйфатына, куркынычсызлыгына бәйле мәсьәлә дәүләт ягыннан да, гади кулланучылар ягыннан да зур кызыксыну уята. Кулланучылар базарындагы хокук бозуларга каршы көрәштә иң нәтиҗәле, халык мәнфәгатьләренә зур дәрәҗәдә туры килә торган ысул бозылган хокукларны яклап калу гына түгел, ә аларны профилактикалау һәм чикләү дә. Кулланучылар белән эшләү, беренче чиратта, аларны агартуга, законда бирелгән хокуклар, гарантияләр һәм яклау ысуллары белән таныштыруга юнәлдерелгән булырга тиеш. Җирле үзидарә органнары да әлеге мәсьәләне хәл итүдә турыдан-туры катнашырга тиеш.
Мультиварка – ул универсаль кухня җайланмасы, тиз, парда пешерү, ботка, икмәк пешерү функцияләреннән тора. Шулай итеп, әлеге җайланма ярдәмендә парда, томалап пешерергә, кыздырырга, ризыкларны үз сутында томалап пешерергә була.
Мультиварка эчендә алынмалы-куелмалы "электрон кәстрүл" бар һәм аның капкачы тыгыз итеп ябыла. Капкачы белән корпусы һава эләгүдән саклый торган клапан ярдәмендә тыгыз итеп тоташтырылган. Алынмалы-куелмалы савыты ризык салу өчен билгеләнгән.
Татарстан Республикасы Дәүләт алкоголь инспекциясенең Казан территориаль органында 2019 елгы эшчәнлеккә йомгак ясадылар һәм 2020 елга бурычлар билгеләнде.
Чарада ТР Дәүләт алкоголь инспекциясе җитәкчесе Җәүдәт Әхмәтханов һәм Татарстан Республикасы Дәүләт алкоголь инспекциясе аппаратының кураторлык итүче бүлекләренең җитәкчеләре катнашты.
ТР Дәүләт алкоголь инспекциясендә "2014-2022 елларга Татарстан Республикасында кулланучыларның хокукларын яклауның комплекслы системасын үстерү" программасын гамәлгә ашыру мәсьәләләре буенча Ведомствоара эшче төркемнең 2020 елда беренче утырышы булды. Утырышта катнашучыларны Татарстан Республикасы Дәүләт алкоголь инспекциясе җитәкчесе Җәүдәт Әхмәтханов сәламләде. ТР Дәүләт алкоголь инспекциясе җитәкчесе үз чыгышында Татарстан Республикасы кулланучылар базарындагы вәзгыять, алкогольле һәм спиртлы продукция әйләнешен контрольдә тоту буенча яңа юнәлешләр, кулланучыларны яклау дәрәҗәсе буенча Россия Федерациясе субъектларының чираттагы рейтингын формалаштыру турында сөйләде.