ЯҢАЛЫКЛАР
ТР Дәүләт алкоголь инспекциясенең Казан территориаль органы эшчәнлегенең төп бурычларыннан берсе – ай саен бәяләргә мониторинг үткәрү, ул өзлексез һәм методик рәвештә мәгълүмат туплау, аны анализлау процессыннан гыйбарәт.
2020 елның 17 февралендә Татарстан Республикасы Теләче муниципаль районы, Олы Мишә авыл җирлегендә кулланучыларның хокукларын яклау һәм алкогольле продукция сату өлкәсенә кагылышлы мәсьәләләр буенча урынга чыгып гражданнар кабул ителде. Кабул итүне ТР Дәүләт алкоголь инспекциясенең Арча территориаль органы башлыгы Булат Кадыйров һәм ТР Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Рәфинә Галиәхмәтова алып барды.
Татарстан Республикасы Дәүләт алкоголь инспекциясенең Чистай территориаль органы белгечләре Татарстан Республикасы Әлки муниципаль районының Базарлы Матак һәм Юхмачы авылларында кулланучылар һәм хуҗалык итүче субъектлар өчен чаралар комплексын үткәрде.
Советлар Союзы Герое Чулков Алексей Петрович исемендәге Юхмачы урта гомуми белем бирү мәктәбендә кулланучы белеме нигезләре буенча сыйныфтан тыш дәрес, Юхмачы авыл җирлеге башкарма комитеты белгечләре өчен семинар-уку, кулланучылар өчен консультация өстәле һәм "Ашамлыклар" кибетендә эшләүчеләр өчен семинар-уку, "Алып Хан" сәүдә йортында кизү тору һәм Базарлы Матак авылындагы "КФҮ" ДБУдә консультация өстәле кебек чаралар узды.
Кече һәм урта бизнеска ярдәм итү, җитештерүчеләр һәм кулланучылар арасында эшлекле элемтәләрне ныгыту максатында, шәһәр тибындагы Аксубай бистәсенең район мәдәният йортында Алексеевск муниципаль районындагы товар җитештерүчеләрнең продукциясеннән күргәзмә-презентация булып узды. Татарстан Республикасы Дәүләт алкоголь инспекциясе хезмәткәре, Роспотребнадзорның Татарстандагы идарәсе һәм Башкарма комитет белән берлектә, әлеге чараны оештыру һәм үткәрүдә катнашты.
Чирмешән муниципаль районы мәдәният йортында район территориясендә Алкогольле продукцияне законсыз сатуны кисәтү һәм чикләү мәсьәләләрен карау буенча ведомствоара эшче төркем утырышы булып узды. Аны Чирмешән районы башлыгы урынбасары Габдерәшит Җамалетдинов үткәрде.
Киңәшмәдә ТР Дәүләт алкоголь инспекциясенең Түбән Кама территориаль органы башлыгы Ришат Нәфыйков, Россия Эчке эшләр министрлыгының Чирмешән районы бүлегенең җинаятьчеләрне эзләү бүлеге башлыгы вазыйфаларын башкаручы Илшат Галимов, "Чирмешән үзәк район хастаханәсе" дәүләт автоном сәламәтлек саклау учреждениесе баш табибы урынбасары Фәнил Булатов, "Алкоторг" ҖЧҖ һәм "Белый Кремль" АҖ вәкилләре, районның кулланучылар җәмгыяте рәисе урынбасары Рамилә Кәримова, Башкарма комитетның структур бүлекчәләре хезмәткәрләре катнашты.
Бөек Ватан сугышында Җиңүнең 75 еллыгын бәйрәм итү уңаеннан, шулай ук "Сугыш – хатын-кызга төс түгел" проекты кысаларында да, Татарстан Республикасы Дәүләт алкоголь инспекциясенең Яшел Үзән территориаль органы контроль-инспекция бүлегенең әйдәп баручы белгеч-эксперты М.М. Җәләлов, Чүпрәле районы Түбән Чәке авыл җирлеге башлыгы О.Б. Албутов белән берлектә, Бөек Ватан сугышында катнашкан ирнең тол хатыны, Чүпрәле районының Түбән Чәке авылында гомер итүче Шаһаева Әминә Садретдин кызы белән очрашты.
КПП (вариатор) төзексезлеге рәвешендә ачыкланган шактый зур җитешсезлек аркасында автомобильне кире кайтару, акчаны түләттерү, неустойка, әхлакый зыянны компенсацияләү мәсьәләләре белән Чаллы территориаль органына бер гражданин мөрәҗәгать иткән иде.
Чаллы территориаль органы хезмәткәрләре тарафыннан консультация үткәрелде, дәгъва хаты төзелде. Дәгъва хатына җавап алынды, "АТРИА" ҖЧҖ акчаны кире кайтарудан баш тартты.
13 нче февральдә Татарстан Республикасы Дәүләт алкоголь инспекциясенең Яшел Үзән территориаль органында территориаль орган кураторы – ТР Дәүләт алкоголь инспекциясенең контроль-инспекция бүлеге башлыгы Татьяна Хәбибуллина катнашында 2019 елгы эшчәнлеккә йомгак ясау буенча киңәшмә узды.
Киңәшмә барышында эшчәнлекнең төп юнәлешләре: контроль-инспекция бүлеге, эчке базарны үстерү һәм координацияләү бүлеге эше, административ-хокукый эшчәнлек һәм лицензияләү мәсьәләләре турында фикер алыштылар.
2020 елның 12 февралендә ТР Дәүләт алкоголь инспекциясенең Арча территориаль органы башлыгы Булат Кадыйров һәм ТР Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Илшат Бәдретдинов Кукмара муниципаль районының Мәмәшир авыл җирлегендә, урынга чыгып, гражданнарны кабул итте.
Татарстан Республикасы Дәүләт алкоголь инспекциясенең Казан территориаль органы халык арасында "Һава дымлаткыч сайлау" дигән темага анкета үткәрде.
Һава дымлаткыч җайланма – ул иң беренче чиратта бүлмәләрдәге һаваның дым дәрәҗәсен арттыру өчен кулланыла. Һаваны дымлату үзлекләре шулай ук һава кондиционерларында һәм вентиляция җайланмаларында да булырга мөмкин. Шул ук вакытта һава дымлаткыч җайланмаларда өстәмә функцияләр дә булырга мөмкин, әйтик: һаваны җылыту яки суыту, һаваны кирәкмәгән кушылмалардан чистарту, һаваны кирәкле компонентларга баету, билгеле бер дәрәҗәдә дымлылык саклау, гигрометр һ.б.