ЯҢАЛЫКЛАР
Дәүләт алкоголь инспекциясенең Чаллы территориаль органына Чаллыда яшәүче бер ир-ат чалбарны ремонтлау буенча сыйфатсыз хезмәт күрсәткән өчен акчаны кире кайтару мәсьәләсен хәл итүдә ярдәм сорап мөрәҗәгать итте. Чалбарга ателье остасы ремонт ясагач ыштанның ян җөе борылган һәм алгы якка чыккан. Әлеге җитешсезлек аркасында чалбарны алга таба кияргә мөмкин түгел икән. Беренче карашка, бу хәл гадәти кебек, ләкин чынлыкта имәндә икән чикләвек. Низаглы хәлнең барлык нечкәлекләрен ачыклагач, ательедагы останың бүгенге көндә һөнәри керемгә салым түләүче зат, бер сүз белән әйткәндә, үзмәшгуль икәнлеге мәгълүм булды. Шулай итеп, мәсьәлә бер ноктага килеп төртелде, кулланучының хокукларын яклау өчен кайсы законга таянырга соң?
2020 елның 13 февралендә Спас муниципаль районында Алкогольле һәм спиртлы продукциянең законсыз әйләнешен ачыклау һәм чикләү буенча ведомствоара комиссиянең чираттагы утырышы булды, шулай ук Татарстан Республикасы Дәүләт алкоголь инспекциясенең Чистай территориаль органы белән Спас муниципаль районы Башкарма комитетының 2019 елда кулланучыларның хокукларын яклау эшчәнлегенә йомгак ясалды.
2020 елның 11 февралендә Балтач муниципаль районында Балтач муниципаль районы башкарма комитеты тарафыннан оештырылган, Балтач районындагы җитештерүчеләр тарафыннан чыгарыла торган продукция буенча күргәзмә-презентация булып узды.
Чараның төп идеясе – җирле предприятие-җитештерүчеләргә үз продукцияләрен күрсәтү мөмкинлеге бирү. Нәтиҗәдә җирле производство товарларына ихтыяҗ артырга һәм тулаем бизнес-климат яхшырырга тиеш.
Азык-төлек һәм азык-төлек булмаган товарларның аерым төрләрен сатканда сатып алучылар һәм сатучылар арасындагы мөнәсәбәтләрне "Кулланучыларның хокукларын яклау турында" Россия Федерациясе Законы нигезендә эшләнгән Товарларның аерым төрләрен сату кагыйдәләре җайга сала.
ТР Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге белгече ТР Әтнә районында шәхси эшкуар И.М. Миллиҗановның азык-төлек һәм азык-төлек булмаган товарлар сату ителә торган сәүдә объектында, "Кулланучыларның хокукларын яклау турында" РФ Законын аңлатып, сатучылар һәм эшкуар өчен укулар үткәрде.
2020 елның 12 февралендә ТР Дәүләт алкоголь инспекциясенең Арча территориаль органы башлыгы Булат Кадыйров һәм ТР Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Гөлназ Шакирова Балтач муниципаль районының Түнтәр авылында алкогольле продукция сату һәм кулланучыларның хокукларын яклау мәсьәләләре буенча чираттагы мәртәбә урынга чыгып, гражданнарны кабул итте.
Гамәлдәге законнарны бозу турында гражданиннан ТР Дәүләт алкоголь инспекциясенең Казан территориаль органына язмача килгән гаризаны карау барышында, 7 февральдән 8 февраль төнендә, контроль-инспекция бүлеге хезмәткәрләре, Россия Эчке эшләр министрлыгының Казан шәһәре буенча икътисадый куркынычсызлык һәм коррупциягә каршы көрәш бүлеге вәкилләре белән берлектә, гаризада күрсәтелгән адрес буенча визит ясадылар.
Сыра һәм сыра эчемлекләрен сату турында "Халык контроле" дәүләт мәгълүмат системасына урнаштырылган шикаятьләр раслау тапты.
2020 елның 11 февралендә Татарстан Республикасы Дәүләт алкоголь инспекциясенең Чаллы территориаль органы хезмәткәрләре төнге вакытта үткәрелгән контроль чаралар барышында законда тыелган вакытта сыра сатуның 2 очрагын ачыклады.
2020 елның 11 февралендә Татарстан Республикасы Дәүләт алкоголь инспекциясенең эчке базарны үстерү һәм координацияләү бүлеге башлыгы Розалия Арсланова эш визиты белән Теләче муниципаль районының Теләче авылында булды. Розалия Арсланова, Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров белән берлектә, үзенең эш визитын берничә сәүдә объектыннан, шул исәптән район территориясендә урнашкан эре сәүдә челтәрләреннән башлады, шул ук вакытта ул республика җитештерүчеләренең алкоголь продукциясе ассортиментына, аларның урнаштырылуына һәм бәяләренә аерым игътибар бирде. Райондагы сатучылар һәм хуҗалык итүче субъектлар белән әңгәмә үткәрелде.
Юридик затлар һәм шәхси эшкуарлар белән бәйләнешкә кермичә уздырылган контрольлек чаралары барышында Татарстан Республикасы Дәүләт алкоголь инспекциясенең Казан территориаль органы хезмәткәрләре 2020 елның 7 нче февраленнән 8 февраленә булган төндә алкогольле һәм спиртлы продукция сату өлкәсендә гамәлдәге законнарны бозуның 2 фактын ачыклады, аерым алганда, Яңа Савин һәм Мәскәү районнарының тәүлек буе эшли торган 2 кибетендә сыра һәм сыра эчемлекләрен сату очракларына тап булдылар.
2020 елның 11 февралендә Татарстан Республикасы Дәүләт алкоголь инспекциясенең Арча территориаль органында киңәшмә булып узды, анда 2019 елда территориаль орган эшчәнлегенә йомгак ясалды һәм 2020 елга бурычлар билгеләнде.